Кучи етмайдиган ишларга уринган банда оқибатда ўзи шикастланади.

Кучи етмайдиган ишларга уринган банда оқибатда ўзи шикастланади. Вақт ўз оқимида. Воқеалар ўз ўзанида. Банданинг сапчиши унинг учун ҳеч нарсани ўзгартирмайди. Ғазаб ва қаҳр билан тугунлар ечилмайди, балки янада қаттиқроқ тугилади. Нафс учун чорасизликдан яхшироқ дори йўқ – ҳар муаммони ўз ақли ва кучи ила ечмоқчи бўлганлар, албатта, бу аччиқ дорини ичади, бошқа иложи йўқ. Баъзан ҳовлиқдик, баъзан ҳапқирдик; баъзан ҳокимлик истадик, баъзан куч-қудрат. Ҳукм ва куч-қудрат, иззат ва ҳикмат Худоники. Банда ўз ишини қилсин ва Худонинг ишига бурун суқмасин, шунда хотиржамлик ва ҳаловат, омонлик ва офият қулнинг ҳаётини ёритгай.