ҰЛТТЫҢ АҚЫЛ ҚУАТЫ

Ақыл қуаты біліммен өлшенеді.

Оқу.

Ізденіс.

Дәлелдерді бақылау. Жинау. Салыстыру. Сұрыптау. Логикалық қорытындылар шығару.

Міне, осы – ақыл қуатының дәлелі.

Бұл іске қабілетті адам – ақылды әрі зиялы.

Ақылдылар мен зиялылардың саны ұлттың әлемдік деңгейдегі орнын белгілейді.

Ойын, күлкі, жату, жеу, ішу және жыныстық қатынас басты мақсаты болса, оқу мен зерттеуден ерінсе, мұндай адамдар халықтың артында жүруге мәжбүр.

Қарапайым қолөнерші, темірші, етікші де ғалым бола алады.

Тек білім алу керек.

Бір кітапты оқып талдау қуаты адамның ішкі зияткерлік қуатын көрсетеді.

Осындай салыстырмалы түрде күрделі істі орындай алмағандармен биік ұлт құру өте қиын.