ТОПЫРАҚ БОЛУ, МЕНСІНБЕУГЕ ҰШЫРАУ ЖӘНЕ ҚОРЛАНУ РАХАТЫ ізет пен көкке көтерілуден гөрі жақсырақ екенін білуші…

ТОПЫРАҚ БОЛУ, МЕНСІНБЕУГЕ ҰШЫРАУ ЖӘНЕ ҚОРЛАНУ РАХАТЫ ізет пен көкке көтерілуден гөрі жақсырақ екенін білуші ме едің?!

Адамдар сені мақтаған сайын ішің кір мен күйеге толып кете береді.

Көздерің соқыр болып, амалдарыңды бағалауда сипалап қаласың.

Мақтап және ұлықтап жатқандардың сөздері жүректерінен шығып жатыр ма. тілдерінен бе. біле алмайсың.

Бірақ сені сөккенде, кінәлағанда ақиқатпен бетпе-бет келіп жатқаныңды түсін.

Өзің туралы ең дұрыс сөздерді тыңдап жатырсың. Құлағыңа хақ сөзді жеткізген Раббыңа шүкірлер қыл.

Ауырсынба. Ренжіме. Шыншылдың тілінен сүй.

Сені тастап кетсе, екі есе қуануың керек. Өйткені адамдар өз еркіндегі істі істеп жатыр. Олар өз еріктерін көрсетті. Демек, адамдардың еркін әрі азат болуына рұқсат беріпсің, ешкімді құл қылып ұстап тұрған жоқсың, ешкімді зынданға салмай отырсың. Мүмкіндік бер, мүмкіндігі бар барлығы кетсін, рахаттансын!

Сен рахаттан.

Шын жүректен ләззат ал.

Әлемде қабірде өмір сүргендей өмір сүре алмайсың ба?

Өлгеніңде табытыңды мыңдаған адам көтеруі мүмкін.

Бірақ қабірге қойғаннан кейін кетеді. Орныңнан тұрып біреуді ұстап қала аласың ба? Қалыңдар, кетпеңіздер дей аласың ба?

Соңғы мекен мен күмәнсіз ақиқаттың аты – Қабір ғой.

Қазірден-ақ қабірде өмір сүргендей өмір сүрген адам Қабірге түскенде өмір сүруге қиналмаса керек, иншаАллаһ. Уаллаһу ағләм.

Жаназаңа келгендерді қуа алмағаның сияқты, алдыңа келгендерді қума.

Қабірде сені қалдырып кеткендерді ұстап қала алмағаның сияқты, кеткендерді ұстап қаламын деме.

Өзгелердің де, өзіңнің де еркін өмір сүруің үшін жағдай жаса. Қабірде адамдардан қаншалық еркін болсаң, қазір де еркін бол. Басқалардың да солай болуына кедергі жасама, әсте!