ҚУВВАИ АҚЛИ МИЛЛАТ

Қуввати ақл бо илм чен карда мешавад.

Хондан.

Ҷустуҷӯ.

Мушоҳидаи далелҳо. Ҷамъ кардан. Муқоиса кардан. Ҷудо кардан. Хулосаҳои мантиқӣ баровардан.

Ана ҳамин далолат бар қуввати ақл аст.

Одаме, ки ба ин кор қодир аст, оқил ва интеллектуал аст.

Шумораи оқилон ва интеллектуалҳо мавқеи миллатро дар миқёси ҷаҳон муайян мекунад.

Агар бозӣ, ханда, хоб, хӯрдан, нӯшидан ва ҷимоъ мақсади асосии онҳо бошад, аз хондан ва тадқиқ танбалӣ кунанд, чунин одамон маҳкуманд, ки дар қафои халқҳо гарданд.

Ҳунарманди оддӣ, оҳангар, мӯзадӯз ҳам олим шуда метавонад.

Танҳо илм гирифтан лозим.

Қуввати хондан ва таҳлил кардани як китоб қуввати интеллектуалии ботинии одамро нишон медиҳад.

Бо онҳое, ки чунин кори нисбатан мураккабро уҳда карда наметавонанд, миллати баланд сохтан хеле душвор аст.