УЛУТТУН АКЫЛ КУБАТЫ

Акылдын кубаты илим менен өлчөнөт.

Окуу.

Изденүү.

Далилдерди байкоо. Чогултуу. Салыштыруу. Иргөө. Логикалык жыйынтык чыгаруу.

Мына ушул – акылдын кубатынан далалат.

Бул ишке жөндөмдүү адам акылдуу жана интеллектуал.

Акылдуулар менен интеллектуалдардын саны улуттун дүйнөлүк деңгээлдеги ордун аныктайт.

Оюн, күлкү, уктоо, жеп-ичүү жана жыныстык катнаш негизги максаты болсо, окуудан жана изилдөөдөн эринсе, мындай адамдар элдин артында жүрүүгө мажбур.

Жөнөкөй уста, темирчи, өтүкчү да окумуштуу боло алат.

Жалгыз илим алуу керек.

Бир китепти окуп талдоо кубаты адамдын ички интеллектуалдык кубатын көрсөтөт.

Ушундай салыштырмалуу татаал ишти аткара албагандар менен бийик улут куруу абдан кыйын.