Ашкөздік пен даңққұмарлық дертінен аман болу — ең үлкен бақыт, өйткені бұл әммара нәпсінің ажырамас…

Ашкөздік пен даңққұмарлық дертінен аман болу — ең үлкен бақыт, өйткені бұл әммара нәпсінің ажырамас қасиеттерінің бірі.

Қазір «озық» жастарымыздың арасында «өсу» деген сөз жиі айтылып жүр. Яғни олар бір жұмыс орнында «өспей жатқанын» сылтау етіп кетіп қалуда. Не дейді-міс, жаңа дағдыларға жетпей жатырмын, қатып қалып жатырмын-мыс. Ал шын мәнінде, айлығы мен жағдайы қанағаттанарлық, оны тәрбиелеген басшы мен ұжым бар.

Бұл ойлар сәбилік ділдің көрінісі болумен қатар, ашкөздік пен даңққұмарлыққа да аздап қатысы бар. Яғни жаңа жұмыс орнынан келген ұсыныс үлкенірек айлықты уәде етеді. Сондай-ақ жастар құрдастарына қарап, өздеріне тон пішеді. Яғни құрдасы бір жетістікке жеткендей көрінсе немесе саяхаттап жүргенін көрсе, болды, ішіне от түседі: «Ал мен ше? Неге мен емес? Қашан мен?»

Міне, осы көреалмаушылық, ашкөздік және құрдастар арасында атақ шығару үшін жастар «өсуді» қалап қалады.

Бұл — бар болғаны бір уәсуәса. Сол жастарға жасы үлкендер айтуы керек, міне, біз айтамыз: аяулы жас досым, ризығыңыз осы жұмысыңыздан келіп тұр, сізге қамқорлық жасаған бастыққа опасыздық етпеңіз, екі сом көп ақша беремін деген уәде үшін сізді тәрбиелегеннен бет бұруға асықпаңыз, шынында, береке көлемде емес, адамдар миллиондап тапса да, түйірдей береке таппайды. Береке жүректің тыныштығымен, істі адал атқарумен, тәртіпті өмір сүрумен, адалдық пен шынайылықпен келеді.

Екіжүзділік, өзін жан-жақты көрсетуге ұмтылу жігіт затына жараспайды, бұл киім киіп жарнамалайтын модель әйелдердің ісіне ұқсап кетеді.

Демек, қорытынды сол — материалдық жайлылық іздеп өзіңізді қинай бермеңіз, жаныңызды да, тәніңізді де. Мал-дүние көзін соқыр еткен құрдастарыңызға қарап сілекейіңіз ақпасын, жеудің құсуы бар, бұл асығыстық оларға кенеттен стартаптар сияқты істердің артынан келіп қалды, қолдарынан мал-мүлкі кетіп қалса, нағыз бағасы мен құны белгілі болады.

Кейде кейбір жастардың өз бетінше «элиталық» топ құрып алғанына куә боламыз: қымбат сатып алулар, қымбат мейрамханалар, оркестрлі кештер... СубханАлла, аяулыларым, кімге еліктеп жүрсіз? Миллиардерлерге ме? Байларға ма? Көзін шел басып, жүрегі ошақтың мұржасындай қарайған, жанашырлықтан алыс ақшалыларға ма?

Өздеріңізді соншалық лайламаңыздар!

Жас басыңызбен соншалық ашкөз, байлыққұмар, мал құлы болмаңыздар.

Енді бұл — бір насихат, қалай болғанда да, сол қызығып жүргендеріңіз миллиардерлерге бұл сөз әсер етпейді, айш-ишрат пен ләззат-сауық ақылы мен жүрегін сөгіс пен хикмет кіре алмайтын дәрежеде құлыптап тастаған; бірақ сіздер әлі кітап оқисыздар, әлі қызығасыздар.

Сол себепті, сөздерімізді бір есте сақтап қойыңыз, бұл сөздер сіздерді ағып бара жатқан бейғамдық дариясынан құтқарып ала алмаса да, бір күні есіңізге түсіп, жаныңыз мұқтаж болған ақиқатқа баруыңызға септігін тигізсе, ғажап емес.

Акром МАЛИК