Ач көздүк жана атак кумарлык оорусунан аман болуу — эң чоң бакыт, анткени булар аммара напсинин ажырагыс…

Ач көздүк жана атак кумарлык оорусунан аман болуу — эң чоң бакыт, анткени булар аммара напсинин ажырагыс сапаттарынан.

Азыр «алдыңкы» жаштарыбыздын арасында «Өсүү» деген сөз көп айланып жүрөт. Башкача айтканда, алар кандайдыр бир жумуш ордунан «өспөй жатканын» шылтоо кылып кетип калышууда. Эмне имиш, жаңы көндүмдөргө жетпей жатам, катып калып жатам имиш. Чынында, айлыгы жана шарттары канааттандырарлык, аны тарбиялаган жетекчи жана жамаат бар.

Бул ойлор наристе аң-сезиминин көрүнүшү болуу менен катар ач көздүккө жана атак кумарлыкка да бир аз байланышы бар. Башкача айтканда, жаңы жумуш ордунан келген сунуш чоңураак айлык убада кылат. Ошондой эле жаштар теңтуштарына карап, өздөрүнө тон бычышат. Башкача айтканда, теңтушу кандайдыр бир ийгиликке жеткендей көрүнсө, же саякаттарда жүргөнүн көрсө, бүттү, ичине от түшөт: «мен чи? эмнеге мен эмес? качан мен?»

Мына ушул көралбастык, ач көздүк жана теңтуштардын арасында ат-атак табуу үчүн жаштар «өсүүнү» каалап калышат.

Бул бир вас-вас, болгону. Ошол жаштарга жашы улуулар айтышы керек, мына, биз айтабыз: азиз жаш досум, ырыскыңыз ушул жумушуңуздан келип турат, сизге камкордук кылган башчыга нан көр болбоңуз, эки сом көп акча берем деген убада үчүн сизди тарбиялагандан жүз бурууга шашпаңыз, анткени береке көлөмдө эмес, адамдар миллиондоп тапса да кылдай береке табышпайт. Береке жүрөктүн тынчтыгы, ишти адал аткаруу, тартиптүү жашоо, адалдык жана ак ниеттүүлүк менен келет.

Эки жүздүүлүк, өзүн ар тараптан көрсөтүүгө умтулуу жигит затына жарашпайт, бул кийим кийип жарнама кыла турган модель аялдардын ишине окшоп кетет.

Демек, жыйынтык мындай: материалдык ыңгайлуулук издеп өзүңүздү кыйнай бербеңиз, жаныңызды да, денеңизди да. Мал-дүйнө көзүн сокур кылган теңтуштарыңызга карап шилекейиңиз акпасын, жегендин кусканы бар, бул шашкалактык аларга күтүлбөгөн жерден «запуск» жана ушул сыяктуу иштердин артынан келип калды, колдорунан мал-мүлкү кетип калса, чыныгы баасы белгилүү болот.

Кээде айрым жаштар өз алдынча «элита» тобун түзүп алганына күбө болобуз: кымбат сатып алуулар, кымбат ресторандар, оркестрлүү кечелер... Субханаллах, азиздерим, кимдерди туурап жатасыз? Миллиардерлердиби? Байлардыбы? Көзүн шире басып, жүрөгү очоктун морундай карарган, боор ооруудан алыс акчалууларды бы?

Өзүңүздөрдү мынчалык булгап таштабаңыздар!

Жаш башыңыз менен мынчалык ач көз, байлык сүйгүч, материалдыктын кулу болбоңуздар.

Эми бул бир насаат, кандай болгон күндө да, ошол суктанып жаткан миллиардерлериңизге бул сөз таасир кылбайт, айш-ишрет жана кайф-сапа алардын акыл-жүрөгүн тилдөө жана хикмат кире албай турган даражада кулпулап салган; бирок силер дагы эле китеп окуйсуздар, дагы эле кызыгасыздар.

Ошондуктан сөздөрүбүздү бир эстеп калыңыз, бул сөздөр силерди агып бара жаткан гапылдык дарыясынан куткарып ала албаса да, бир күнү эстейсиз жана рухуңуз муктаж болгон чындыкка барышыңыз үчүн жарап калса, ажеп эмес.

Акром МАЛИК