ТӨРТІНШІ ТАРАУ

ТӨРТІНШІ ТАРАУ

Бірінші бөлім

ҚЫЗ

Ұлы бардың орны бар, қызы бардың қадірі бар. Қызы бардың назы бар. Қыз — жәннаттың кілті. Қыз — отбасының берекесі. Қыз — мейірімнің бұлағы. Адамдар қыз көргенде перзент мейірімін табады. Қыз — адалдықтың символы, пәктіктің рәмізі, жақсылық пен береке хабаршысы. Қызы бардың бауыры бүтін. Қызы жоқтың бауыры кемтік. Қыз — отбасының нақ жүрегі. Әрбір қыз отбасы үшін өмір мен өлімнің рәмізі. Қыздар — отбасының сыры, абыройы. Қыз қандай болса, отбасы да сондай. Қыздың ибасы мен пәктігі — отбасының ибасы мен пәктігі. Қыздың ақылды, зерек әрі парасатты болуы — отбасының саулығы мен денсаулығынан. Қыздың еңбекқор, әдепті, епті болуы — отбасының кемелдігі мен нәсілдің ізгілігінен. Қыздың бақытты әрі разы, көздерінің жайнауы мен жүзінің нұрлы болуы — ата-ананың даналығынан, кеңпейілділігі мен табандылығынан. Қыздың төзімділігі, ерік-жігері, адалдығы — нәсілдің, әулет тегінің ақиқаты, сипаты. Қыз ибалы болса, отбасының жүзі жарқын. Қыз еңбекқор болса, отбасының ризығы берекелі. Қыз жұмсақ әрі нәзік болса, отбасында тыныштық пен бақыт салтанат құрады. Қыз қорғауда болса, бүкіл отбасы қорғалған саналады. Қыз бөтен көздердің қаупінен, шабуылынан және нәпсісінен аман болса, отбасының тегі, нәсілі, абыройы аман. Қыз сырлы болса, бұл ол үшін мәңгілік сауыт; қыздың тілі тәтті болса, бұл оның мәңгілік қалқаны. Қыз қанағатшыл әрі мойынсұнғыш болса, бұл оның бақыт кепілі. Ешқашан мұндай қасиетті әрі кемел қыздар бақытсыз болмайды. Отбасының төріне ұмтылған қыз — шексіз бақытты. Қыз ұятсыз; ашкөз; жеңілтек; ақылсыз; салақ, ибасыз; сабырсыз; жеңілтек; екіжүзді; жалқау; бетпақ; безбет; арсыз; мойынсұнбайтын; төзімсіз; ойсыз; парасатсыз; ақымақ болса, сол отбасының іргетасына сызат түсіпті; әулет қатерде, нәсіл қауіп астында қалыпты. Мұндай қыз — ата-ананың қасіреті; аға-інілердің соры; тұрмысқа шығатын күйеуінің бақытсыздығы. Көшеге жүгіріп, үйден қашатын, насихатты алмайтын және қараусыз қалған — ең сормаңдай қыз. Барлық қыздарға кемел әрі толық қуаныш, бақыт пен пәк махаббат жар болсын!

Акром МАЛИК