УЗАК ӨМҮР КӨРҮҮНҮ КААЛАЙМ, билесиңби, эмне үчүн?

УЗАК ӨМҮР КӨРҮҮНҮ КААЛАЙМ, билесиңби, эмне үчүн?

Раббим берген тагдырды ыраазылык менен жашап өтүү үчүн.

Раббиме тообо кылып калуу үчүн.

Кудайыма көптөн көп ибадат кылуу үчүн.

Адамдарга көп кызматым жетиши үчүн.

Адамдарга көптөн көп мээрим таратуу жана алардын бактылуу болушуна себеп болуу үчүн.

Раббимдин жакшылыктары бул дүйнө боюнча да чачылган, ал жакшылыктарды куш дан чокугандай чокуп, терип жүрсөм жана мындан ырахат алсам!

Жүрөгүм шүкүр жана шыкка толуп-ташса!

Бул дүйнө да, акырет да Кудайымдын бийлиги. Кудайымдын бийлигинде моюн сунган бир кул болуп заман сүрсөм, акыры, мунун эмнеси жаман?

Узак өмүр көрүүнү, өмүрүмдүн аягында өлүм азабын көрбөй, шаттык жана кубаныч менен жылмаюуга толуп, акыркы сапарыма чыгып кетүүнү каалайм.

Узак өмүр көрүү жана Парвердигеримдин нээматтарына кубанып, ыраазычылык менен жашоо да сулуу, анан бул жашоонун бейишке уланып кетиши да сулуу.