Ата-энелер менен перзенттердин ортосунда белгилүү айырмачылыктар пайда болгон доордо жашап жатабыз. Мурдагы…

Ата-энелер менен перзенттердин ортосунда белгилүү айырмачылыктар пайда болгон доордо жашап жатабыз. Мурдагы совет доорунда түпнуска булактардан ажыратылгандыктан дин-диянаттан алыс жашаган адамдар ыйык баалуулуктардан үзүлүп калышты. Эгемендүүлүк ар бир адамга өз ишенимин, жашоо жолун эркин тандоо укугуна жол ачты. Бүт адамзат тааныган, тарыхта адамзат туткан эң туура жол болгон диянатты эгемендүүлүктүн перзенттери акыл-жүрөгүнө кулак салып, ачып жатышат. Мында мамлекеттин гуманисттик жана агартууга таянган саясаты өзгөчө орун ээлеп жатат. Урматтуу ата-энелер! Балаңыз динге кызыгып калдыбы? Намаз окугусу келип жатабы? Куран окугусу келип жатабы? Сиз ак-караны тааныгансыз. Жашоодо көп машакаттарды көргөнсүз. Илимдүү досторуңуз жана тааныштарыңыз бар. Бул мүмкүнчүлүктөрүңүздү натыйжалуу пайдаланышыңыз керек. Башкача айтканда, эң оболу, балаңыз менен достук маанайда сүйлөшүңүз. Кандай сезимдерди башынан өткөрүп жатат, кайсы баяндамалардан таасирленүүдө? Кимдерди угуп жатат? Эгер тыюу салынган адамдарды угуп жүргөн болсо, коркпоңуз, бала — Сиздики! Өзүңүз адегенде кандайдыр бир илимдүү адам менен жолугуп, андан дин жөнүндө сураңыз, суроолорду бериңиз жана так, ишенимдүү маалыматтарды үйрөнүңүз. Андан кийин балаңыздагы абалды баяндаңыз жана үч киши: сиз, уулуңуз жана аалым устаздын катышуусунда агартуучулук маек уюштуруңуз. Куран курсуна барсын, уруксат берилген китептерди окусун, каалаган суроосун беришине уруксат бериңиз. Баланы сабыр-токтоолук менен чоңойттуңузбу, бул жерде да бир аз чыдамдуу болуңуз, натыйжада, сиз да дин жөнүндө билип аласыз, балаңызды да туура жолго саласыз. Мусулмандар башкармалыгынын интернеттеги платформасында динибизге тиешелүү бардык суроолорго жооптор бар, эч тартынууга муктаждык жок. Бул сөздөрдү айтуудан максатыбыз — ата-эне менен баланын ортосундагы жарды жок кылуунун жолун табуу. Балаңыз үй-бүлө жана турмуш жөнүндө совет идеологиясынан башкача ойлоп жаткан болсо, менин айтканым болот дебеңиз, бардык көйгөйдүн чечимин хикмат менен табууга болот. Адамдар тынч жана бейпил жашоого аракет кылышы керек. Ар бир адам өзүн тынчсыздандырып жаткан көйгөйдү толук үйрөнсүн. Антпесе, кыйналып калат. Урматтуу жигиттерибиз жана кыздарыбыз, кээде ата-энелери аларга каршы чыкса, напсисине жакпаса да, сабыр кылышсын. Ата-эне диний илимден куру калса да, баласына болгон сүйүүсүнөн улам жашоосундагы эң жакшы тажрыйбалар менен аракет кылат. Албетте, наадан, чектен ашык гапыл, эч нерсени укпаган ата-энелер мындан тышкары, бирок мындайлар аз болот. Диянат жолун тутуп жаткан жаштар ата-энелерин мээрим жана кызмат менен кубантышсын. Өздөрүн кичипейил жана бечара тутушсун. Ата-энеден эч качан нааразы болушпасын. Мына ушул — эң туура жол. Ким адамга сенин ата-энең наадан, алардан жүз бур же аларга каршы бол десе, эң чоң жана эң коркунучтуу ката сөздү айткан болот. Элибиздин айрым адамдары дин-диянаттан алыс калган болсо да, жүрөгүндө жана табиятында туура жолго умтулуу бар. Дээрлик бардык ата-эне перзентин туура түшүнөт. Биз сабырсыз пенделербиз. Көйгөйдү хикмат менен, зыянсыз ыкмалар аркылуу чечүүнү билбейбиз, дароо кесип-чапкыбыз келет. Бизге бир нерсе тез арада түшүм берсе! Бир нерсе тез бүтсө! Жок, оңолуу үчүн жылдар керек, сабыр кылуу жана жумшак болуу көндүмү бизге абдан зарыл.