Илим ээлери жасалма болбойт, Кудайдын илими татыксыздарга берилбейт.

Илим ээлери жасалма болбойт, Кудайдын илими татыксыздарга берилбейт. Хактын каламына жана Пайгамбардын сөзүнө ылайык хикматтар кир жана арам жүрөктөн чыкпайт. Парвардигердин өкүмүнө, Пайгамбардын жолуна ылайык сөздөр тообо кылган жүрөктөрдөн, сынык напсилерден жана бечара кулдардан келет. Ал сөздөр бузук маанилер менен карарган эмес, ушак жана жалаа менен нымдалган эмес, бузукулук жана фиск менен сасыган эмес. Ошондуктан кимдин сөздөрүнөн тазалыкты жана сүйлөмдөрүнөн жүрөгүңө малхам болгон маанилердин жалтылдашын тапсаң, ал адам жөнүндө жаман ойлорго жана жалааларга көңүл бурба. Жүрөк — бир булак. Андан Хактын хикматы суу болуп агат. Ал жүрөктүн ээсинде күнөө жана масият пайда болсо, бул булактын көздөрү жабылат. Кудайдын жолунан тайгалангандын тили да тайгаланат: ал кооз сүйлөмдөр менен раббаний хикматтарга каршы сүйлөп жатканынан өзү кабарсыз калат. Сөздөрү канчалык жасалгалуу болбосун, маанисинен нымдуулук жыттанат. Мунафыктарга туура жолго баштаган сөздөрдү айтуу нээматы берилбейт.