УЗОҚ УМР КЎРИШНИ ИСТАЙМАН, биласанми, нега?

УЗОҚ УМР КЎРИШНИ ИСТАЙМАН, биласанми, нега?

Роббим берган тақдирни розилик ила яшаб ўтиш учун.

Роббимга тавбалар қилиб қолиш учун.

Худойимга кўпдан кўп ибодатлар қилиш учун.

Одамларга кўпдан хизматим етиши учун.

Инсонларга кўпдан кўп меҳр улашмоқ ва уларнинг бахтиёр бўлмоқлари сабаб бўлмоқ учун.

Роббимнинг яхшиликлари бу дунё бўйлаб ҳам сочилган, у яхшиликларни қуш донлагандек донлаб, қуш чўқигандек чўқилиб териб юрсам ва бундан завқлансам!

Қалбим шукур ва шавққа тўлиб-тошса!

Бу дунё ҳам, охират ҳам Худойимнинг салтанатидир. Худойимнинг салтанатида итоатли бир қул бўлиб давру даврон сурсам, ахир, бунинг нимаси ёмон?

Узоқ умр кўришни, умрим охирида ўлим азобини кўрмай шодлик ва қувонч ила табассумларга тўлиб охирга сафаримга чиқиб кетишни истайман.

Узоқ умр кўриш ва Парвардигорим неъматларидан қувониб, ташаккурлар ила яшаш ҳам гўзал, сўнг бу ҳаётнинг жаннатга уланиб кетиши ҳам гўзал.