Иймон
Худо деб дунёга қул бўлган каслар,
Худо деб дунёга қул бўлган каслар,Шайтон оташида кул бўлган хаслар,Гоҳо хато қилса адашиб нафслар,Малакдек тутасиз ўзингизни пок,Гўё пок кўнгил-у, покиза идрок!Дунё муҳаббатин қилолмасдан салб,Кибр-у жаҳолатга топширганлар қалб!Иблиснинг амрига бел боғлаган алп,Мўр каби хастага не зулм айлагайсиз,Дили шикастага не зулм айлагайсиз!Ҳақнинг ҳикматидан ғофилдир, ғофил,Ҳақнинг раҳматидан ғофилдир, ғофил,Фитнаси салосил, сўзи ҳалоҳил,То улардан йироқ қилгил, Худоё,Фақат Сени севсин бу дил, Худоё!Шайтон душман эрур инсон зотига,Инсон эса миниб нафснинг отига,Боқмасдан ақлнинг, дилнинг додига,Истидрож домига тушиб борадир,Чўққига ўқ мисол учиб борадир.Фасллар алмашар, йиллар алмашар,Сўқмоқлар алмашар, йўллар алмашар.Тутганинг мададкор қўллар алмашар,Аммо одамийлик алмашмасин ҳеч,Ақл зулмат аро чалкашмасин ҳеч!Биз-да малак эмас, сўрасанг агар,Ичда шайтон тўла, кўролсанг агар…Кўнгилни қор босган куролсанг агар,Лек Ҳақдан юзимиз бурмадик зинҳор,Иблисга қўшни уй қурмадик зинҳор.Оташга тушсак ҳам, ё Худо дедик,Нафсга эргашсак ҳам, ё Худо дедик!..Чунки ҳар не келса, бир ато дедик,Биз ёмонлик дедик, яхши чиқди лек,Яхши дедик, аммо ундан келди кек.Банданинг ақлида бор эмиш нуқсон,Ул нуқсон шифоси адабдир, ишон.Адабдан мосуво каслар ҳеч қачонАқлининг нуридан топмагай фойда,Қадам босиб ҳатто чиқса ҳам ойга!Худойим, бизларга инсоф бер, инсоф,Кўксимизни киндан Ўзинг айла соф.Қилсанг, фақат Ҳаққа қилгайсан вассоф,Ишқинг қалбимизни тўлдирсин буткул,Нафсимиз ул ишқда куйиб бўлсин кул!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.