Iman invest дауынан көрілген пайдалар:

Iman invest дауынан көрілген пайдалар:

1. Мұсылмандардың пікірталас мәдениеті қаншалықты ашық әрі әділ екені көрінді: қарама-қарсы тараптар барынша әдеп шегінде тұра алды.

2. Мұсылмандар бір-бірін тыныштандырып, радикализмге жол бермейтіні дәлелденді: барлық ақыл иелері дереу ақыл мен хикметке, сабыр мен байсалдылыққа сүйеніп әрекет етуге шақырды. Бұл ахуалды бәсеңдетті.

3. Мұсылмандардың ілім иелеріне еретіні айқындалды: парасат иелері өздерінің әлсіз ақылына сүйенбеді, ал көпшіліктің басым бөлігі ілім иелерінің сөзіне құлақ асып отыр.

4. Мұсылман ғалымдарының жауапкершілік иесі екені негізделді: ғалымдар жағдайға қажетті сәтте араласып, мәселені әділдікпен шешуге үлес қосуда.

5. Iman invest – Жаңа Өзбекстанның жемісі. Оның ұжымы да жастардан тұрады. Қаншама қателіктері болғанына қарамастан, олардың адал әрі шынайы екені күндей айқын болды: олар қиын жағдайда ең дұрыс мінезде – байсалдылықта тұра алды.

6. Мұсылмандардың ақиқат мәселесіндегі сенімі көрініс тапты: олардың Алланың шегін бұзбауды ең жоғары құндылық санайтыны, харамнан сақтанатыны көрінді.

7. Мұсылмандардың халал қаржыға мұқтаж екені дәлелденді.

8. Ең бастысы, Жаңа Өзбекстан халқы, әсіресе оның жастары осындай қиын жағдайларға төтеп беретін адамгершілік иммунитет пен дұрыс ойлауға қол жеткізіп келе жатқанына куә болып отырмыз.

9. Одан да маңыздысы, мұсылмандар қауымы арандатудың салдарынан өздері үшін құнды болған құрылымның жойылып кетуіне жол бермейтінін көріп отырмыз. Яғни осы елдің перзенттері еңбек етіп құрған құрылым жай ғана құрып кетпесін деп, Өзбекстанның мұсылман ғалымдары білек сыбанды, бейжай қалмады, шетелде білім алған бір тәжірибесіз адамның қатесі ауыр зардаптарға әкелмесін деп күресуде.

Мұның бәрі тек еркін жағдайда ғана жүзеге асатын істер.

Бұл оқиғалар қоғамның органикалық құбылыс екенін, ілім иелері алда жүрген қоғам өз мәселелерін зиялы қауымның кеңесі негізінде табиғи түрде шеше алатынын да дәлелдейді.

Бұл оқиғалар Президентіміздің кеңпейілді әрі хикметті саясатының қаншалықты дұрыс екенін дәлелдейді.

Осы күндерге жеткізген Құдайыма шүкір!

Раббым, бұл істердің соңын бұдан да қайырлы ет және мұсылмандардың ынтымағына бір себеп ет!

Әмин!

Акром МАЛИК