«Иман инвест» тегерегиндеги чыр-чатактан көрүлгөн пайдалар:

«Иман инвест» тегерегиндеги чыр-чатактан көрүлгөн пайдалар:

1. Мусулмандардын талкуу маданияты канчалык ачык-айкын жана калыс экени көрүндү: карама-каршы тараптар мүмкүн болушунча адептин чегинде тура алышты.

2. Мусулмандар бири-бирин тынчтандырып, радикализмге жол бербеши далилденди: акыл ээлеринин баары дароо акыл жана хикмат, сабыр жана токтоолук менен иш алып барууга чакырышты. Бул абал кырдаалды бейпилдетти.

3. Мусулмандар илим ээлерине ээрчий турганы ачыкка чыкты: зирек адамдар өздөрүнүн алсыз акылына таянышкан жок жана калктын чоң бөлүгү илим ээлеринин сөзүнө кулак салып жатат.

4. Мусулман аалымдарынын жоопкерчиликтүү экени негизделди: аалымдар кырдаалга керектүү учурда кийлигишип, маселени калыстык менен чечүүгө салым кошууда.

5. «Иман инвест» – Жаңы Өзбекстандын жемиши. Анын жамааты да жаштардан турат. Канча каталары болгонуна карабастан, алардын адал жана ак ниет экени күндөй ачык болду: алар көйгөйлүү шартта эң туура адепте – токтоолукта тура алышты.

6. Мусулмандардын акыйкат маселесиндеги ишеними ачык көрүндү: алар Алланын чегин бузбоону эң жогорку баалуулук деп билери, арамдан сактанары көрүндү.

7. Мусулмандарда адал каржыга муктаждык бар экени далилденди.

8. Эң негизгиси, Жаңы Өзбекстандын эли, өзгөчө жаштары мындай көйгөйлүү кырдаалдарга туруштук бере турган адеп-ахлактык иммунитетке жана туура ой жүгүртүүгө жетишип баратканына күбө болуп жатабыз.

9. Андан да негизгиси, мусулмандар жамааты фитнанын айынан өздөрү үчүн баалуу болгон түзүмдүн жок болуп кетишине жол бербей турганын көрүп жатабыз. Башкача айтканда, ушул мекендин перзенттери эмгек кылып куруп чыккан бир түзүм жөн эле кыйрап калбасын деп Өзбекстандын мусулман аалымдары жең түрүнүштү, кайдыгер калышкан жок, чет өлкөдө билим алган бир тажрыйбасыз адамдын катасы оор кесепеттерге алып келбесин деп күрөшүүдө.

Мунун баары эркин шартта гана ишке аша турган иштер.

Бул окуялар коомдун органикалык көрүнүш экенин, илим ээлери алдыңкы орунда турган коом өз көйгөйлөрүн интеллектуалдык катмардын кеңешинин негизинде табигый түрдө чече аларын да далилдейт.

Бул окуялар Президентибиздин кең пейил жана акылман саясаты канчалык туура экенин далилдейт.

Ушул күндөргө жеткирген Кудайыма шүгүрлөр болсун!

Парвардигерим, бул иштердин аягын андан да кайырлуу кыл жана мусулмандардын ынтымагына бир себеп кыл!

Оомийин!

Акром МАЛИК