Бір нәрсе бізге жетпей жатқандай.

Бір нәрсе бізге жетпей жатқандай. Бір нәрсе бізден қашып барады және оны ұстап алу үшін асығып жатырмыз. Шын мәнінде, бәрі орнында, бәрі тепе-теңдікте — ниетімізге лайық әрекеттеміз. Әрекетке лайық береке келіп жатыр. Күнәларымыз тосқауыл болып, жолымызды бөгеп тұр, истиғфар мен қайырлы амалдарымыз бұл тосқауылдарды құлатып жатыр. Жүрегімізде Құдайға қаншалықты сынып жалбарынсақ, өміріміздегі қиындықтар соншалықты шешіліп жатыр. Тек біз асығып жатырмыз. Тек біз бекер жанталасып жатырмыз. Ризық пен несібе Құдайдың ихтиярында бола тұра көнбей жатырмыз. Ештеңенің ерте-кеші жоқ: бәрі өз уақытында болады, істі бұзса, пенденің асығыстығы бұзады. Құлдан талап етілетіні: жақсы ниет, күнәларға тәубе, ауыртпалыққа сабыр, нығметтерге шүкір және Құдайға құлшылық пен зікір. Әлемді тәрбиелеп тұрған Затты танысаң, қайда асығасың және не үшін төзімсіз боласың? Сабырсыздығымыз бен надандығымыз, бейғамдығымыз бен сорлылығымыз үшін бізді кешір, Құдайым!