Бир нерсе бизге жетпей жаткандай.

Бир нерсе бизге жетпей жаткандай. Бир нерсе бизден качып жатат жана аны кармап алуу үчүн шашып жатабыз. Чынында, баары ордунда, баары тең салмакта — ниетибизге ылайык аракеттебиз. Аракетке ылайык береке келип жатат. Күнөөлөрүбүз тосмо болуп, жолубузду тосуп жатат, истигфарыбыз жана жакшы амалдарыбыз бул тосмолорду кулатууда. Жүрөгүбүздө Кудайга канчалык сынып жалынсак, жашообуздагы кыйынчылыктар ошончолук чечилүүдө. Бир гана биз шашып жатабыз. Бир гана биз бекер чиренип жатабыз. Ырыскы жана насип Кудайдын ыктыярында экенине көнбөй жатабыз. Эч нерсенин эрте же кечи жок: баары өз убагында болот, ишти бузса, пенденин шашкалактыгы бузат. Кулдан талап кылынганы: жакшы ниет, күнөөлөргө тообо, ооруларга сабыр, нээматтарга шүгүр жана Кудайга ибадат менен зикир. Ааламды тарбиялап турган Затты таанысаң, кайда шашасың жана эмне үчүн чыдамсыз болосуң? Сабырсыздыгыбыз жана наадандыгыбыз, гапылдыгыбыз жана кесепетибиз үчүн бизди кечир, Кудайым!