Дүниеге деген махаббаттың жүректерді жаулап алғанының дәлелдері:

Дүниеге деген махаббаттың жүректерді жаулап алғанының дәлелдері: 1. Демалыс сылтауымен жүректің түрлі саяхаттарды жақсы көруі, шет мемлекеттерге, тауларға, теңіздерге ұмтылуы және бұл туралы мүмкіндігінше жұрттың бәріне білдіру ниеті. Қалыпты жағдайда демалыс тән мен рухтың қажеттілігінен туындайды, міндеттілік себепті саяхат жоспарға енгізіледі және бұл нәрсемен риякерше мақтанылмайды. 2. Кісілердің мақтауы мен назарына деген құмарлық — адамдар мақтасын, назар аударсын, тамсансын деп тырысу — дүние махаббаты жүрекке терең орнығанының дәлелі. Осы нәрселер болмаса, адам мұңайса, дерт ауыр. Қалыпты жағдайда кісі өз міндетін бір қалыпта атқарады. 3. Сөйлеуді жақсы көру — мені тыңдаса болды; аузыма қарап тұрса болды деп сөйлеудің аты — былшылдау. Былшылдаған адам сөздерінен көздеген ұтымды мақсатты көрсете алмайды. Қалыпты жағдайда адам белгілі бір мақсатты жүзеге асыру үшін сөйлейді. 4. Дүниеге қатысты мүліктер — керек болса да, болмаса да, мақтану мен риякерлік үшін киім, көлік, сұлу әрі беделді адамдармен танысу, сан үшін, IQ көрсету үшін кітап оқуға деген құмарлық — аштықтан, дүниеге құлдықтан. Дүниені сүймеу, оның шынжырынан азат болу адамға батылдық, жан тыныштығын, Хаққа жақындықты береді. Жалпы, бұл мәселе — ұлы ілімнің бір тамшысы еді. Бұл сөздер шын ақиқатқа мұқтаждар үшін, алданып жүремін дегендерге аунап-қунайтын алаң кең.