Дүйнөгө болгон сүйүү жүрөктөрдү ээлеп алганынын далилдери:

Дүйнөгө болгон сүйүү жүрөктөрдү ээлеп алганынын далилдери: 1. Эс алуу шылтоосу менен жүрөктүн ар түрдүү саякаттарды жакшы көрүшү, чет мамлекеттерге, тоолорго, деңиздерге умтулушу жана бул тууралуу мүмкүн болушунча баарына билдирүү каалоосу. Кадимки абалда эс алуу дененин жана рухтун муктаждыгынан келип чыгат, зарылчылыктан улам саякат планга киргизилет жана бул нерсе көрсөтмөчүлөрчө мактанылбайт. 2. Кишилердин мактоосуна жана көңүл бурушуна болгон кумар — адамдар мактасын, көңүл бурсун, таң калсын деп аракет кылуу — дүйнө сүйүүсү жүрөккө терең орношконунун далили. Ушул нерселер болбосо, адам муңайса — оору оор. Кадимки абалда киши өз милдетин бир калыпта аткарат. 3. Сүйлөөнү сүйүү — мени угушса болду; оозумду карап турушса болду деп сүйлөөнүн аты — былжырактык. Былжыраган адам сөздөрүнөн көздөгөн рационалдуу максатты көрсөтө албайт. Кадимки абалда адам белгилүү бир максатты ишке ашыруу үчүн сүйлөйт. 4. Дүйнөлүк буюмдар — керек болсо да, болбосо да, мактануу жана көрсөтмөчүлүк үчүн кийим, унаа, сулуу жана абройлуу адамдар менен таанышуу, сан үчүн, IQ көрсөтүү үчүн китеп окууга болгон кумарлык ачкалыктан, дүйнөгө кулдуктан. Дүйнөнү сүйбөө, анын чынжырынан азат болуу адамга эрдик, тынчтык, Хак менен жакындык берет. Жалпысынан, бул маселе улуу илимдин бир тамчысы эле. Бул сөздөр чыныгы чындыкка муктаждар үчүн, алданып жүрө берем дегендерге тоңкочук ата турган аянт кең.