АУЛИЯЛЫКТЫН СЫРЛАРЫ

Аллахка дос болгон керемет ээлери кандай болушат?

Бул жөнүндө бир ажайып хикая бар, Сиз да окуп көрүңүз:

Хазрети Дауд Таи дарыянын жээгинде балык кармап отурган эле, жанында шакирттери бар болчу. Дарыяда бир кайык көрүндү, кайыкта эки эркек жана бир аял шарап ичип, көңүл ачып келе жатышкан. Шакирттер: «Устаз, ушул күнөөкөрлөргө бир дуба кылыңыз, алар да биздей күнөөлөрдөн качкан болушсун», – дешти. Шакирттер каргыш күтүп турганда, хазрети Дауд Таи Аллах булардын көңүл ачуусун бейиште да уланта берсин деп дуба кылды. Кайык жолун өзгөртүп, алардын жанына, жээкке келди. Жана күтүлбөгөн жерден кайыктагылар Дауд Таинин алдында ыйман келтиришти. («Суунун жыты» китебинен, 170-бет)

Ооба, аулиялар – пайгамбарлардын мураскорлору, пайгамбарлар адамдарды үмүтсүздүк туңгуюгуна таштоо үчүн эмес, үмүтсүздүк туңгуюгунан такыбалык жээгине тартып чыгаруу үчүн жиберилишкен. Аулиялар болсо алардын иштерин улантуучулар.

Хазрети Азиз Насафинин калемине таандык «Кемел инсан» китебинде ажайып сөз бар: «Актын ырайымы бүт ааламга. Пайгамбарлардын ырайымы өз үммөтүнө. Аулиялардын ырайымы ага ээрчиген жана аны сүйгөндөргө».

Өзүнө ээрчигендерден жүз бургандар аулия эмес. Алар да баары сыяктуу авам тобунан болуп, вали кейпинде гана көрүнүшөт.