КЕЧИРҮҮ ЖАНА ЖҮРӨККӨ КУДАЙДАН БАШКАНЫ КИРГИЗБӨӨ – азаптардын бүтүшү, шык-шооктун башталышы.

КЕЧИРҮҮ ЖАНА ЖҮРӨККӨ КУДАЙДАН БАШКАНЫ КИРГИЗБӨӨ – азаптардын бүтүшү, шык-шооктун башталышы.

Адамдардын сүйүүсүн талап кылууда напсинин үлүшү бар.

Сени кимдир бирөө сүйгөнүнө сүйүнүшүң – напсиң ырахат сезип жатканынан далалат.

Сени кимдир бирөө сүйсө, сүйүнбө. Анткени ал убактылуу.

Кимдир бирөөнү сүйсөң, сабыр кыл. Сезимдериңдин чындыгы ачыкталышы үчүн убакыт жана сыноо зарыл.

Жүрөктү Ак Таала Өзү үчүн назар салчу жай кылды.

Жүрөктү Парвердигер Өзүнүн тажалли күзгүсү кылды.

Жүрөктү Кудайы Карим ыймандын мекени кылып тандады.

Ага башка нерсени киргизсең, Ал Заттын кызганычын келтиресиң.

Каримул Мутаалдын кызганычы – эң катуу кызганыч.

Жүрөгүңдү оорута-оорута, сүйгөндөрүңдөн ачуу-ачуу азаптарды калтырып, сенден баарын тартып алат.

Анан жүрөгүңө карасаң, анын уюп-уюп кан болгонун көрөсүң.

Ал кандар сенин жүрөгүңө жабышып, эт бою кеткен бөтөндөрдүн сууруп, жулуп алынганынан далалат.

Абдан ооруйт.

Абдан-абдан ооруйт.

Билесиңби, көз жаштын шор экенин?

Көз жашыңдын тузу жүрөгүңдүн уюктарына жаап-жаап, бул жараларды айыктырат.

Тырык-тырыктар калат.

Эми бул жүрөктү арбоо сулуулар үчүн мүмкүн эмес.

Анткени жүрөк ар бир сулуулуктун артындагы опасыздыкты жана амалды көрдү.

Эми жүрөк Өз Ээсине жүз бурганы жакшы.

Аны таштап кеткендерге наалыбасын, анткени алардын айыбы жок, алар Теңирдин хикматы менен кетишти.

Жүрөгүңө Кудайдан башканы киргизбе.

Жүрөгүңдүн эшиктерин Кудайдан башкага ачпа.