КҮЙӨӨГӨ МОЮН СУНУУ ЖАНА БЕРИЛГЕНДИК АЯЛГА БАКЫТ АЛЫП КЕЛЕТ

Үй-бүлөдө эр жетекчи болбосо, уулдар кыз мүнөз, кыздар эркек мүнөз болуп өсөт. Үй-бүлө майда көйгөйлөргө оролот. Ал үй-бүлөдөн жетилген инсандар чыкпайт. Анткени күчтүү жана урматталган эр уулдарга үлгү, кыздарга таяныч-калкан. Аялы бийлик кылган үй-бүлө коомдо абройлуу саналбайт. Үй-бүлөдө аял эринин көңүлүнө карасын. Моюн сунууну толук түрдө көрсөтсүн. Эринин кемчиликтерин ичинен да талкууламасын. Эрине кабак салуудан уялсын. Эринин маанайын түшүрүүдөн корксун. Эринин маанайы үй-бүлөнүн маанайын аныктасын. Ушундай үй-бүлөдө тартип жана береке, абийир жана ардак табылат. Эгер аялдын үнү бийик көтөрүлсө, эринин абалы аялды кызыктырбаса, эр аял үчүн чөнтөк же кызматчы ордунда болсо, эринин сөзүн жерге калтыруудан, көңүлүн муздатуудан аял тартынбаса, бул үй-бүлөдө жакшылык да, ырыс да жок. Эй, аялдар! Күйөөлөрүңүздү баалаңыз. Башыңызга көтөрүңүз. Кордобоңуз. Эркектер көбүнчө аялдардай майда сөздүү же кек сактагыч болушпайт, бир аз жылмаюуңуз жана таттуу сөзүңүз алдында сизди кечиришет. Жөн гана каталарыңыз үчүн кечирим сурай билиңиз жана эрди эр деп билип, ага чын жүрөктөн баш ийе билиңиз. Үй-бүлөлөрдөгү бардык балээлер аялдын текеберлиги, сабырсыздыгы жана эринен кечирим сурай албагандыгынан келип жатат.