ОИЛАБУЗАРМОН ЁКИ УЙБУЗАРМОНЛАР ҲАҚИДА

Оила муқаддасдир. У пок сақланиши керак. Оиланинг сирлари оилада қолиши шарт. Эр ва хотин бир думалоқнинг икки палласидир. Хиёнатсиз яшаётган эр-хотин орасини бузишдан эҳтиёт бўлинг. Инсон қалби ўзгарувчан, ақл алданувчандир. Гоҳида овсин деганлари ҳам овсинига чоҳ қазийди: қайноғасини овсинига ёмон кўрсатиши, инсофдан ташқари йўлларга йўллаши ва оиланинг ажрашмоғига сабаб бўлиши мумкин. Бунга ҳаётда мисоллар кўп. Эй инсонлар! Аллоҳдан қўрқинг. Иғво ҳамда туҳмат қилманг. Иғвогарнинг ўлими олдидан тили чирийди. Ичаклари чирийди ва оғзидан бадбўй ҳид таралади. Оилабузармон туҳматчиларга жаҳаннамда бундан оғирроқ жазолар бор. Эй инсонлар! Бошқаларнинг орасини бузишдан сақланинг. Одамларнинг орасида дўстлик барпо қилинг, айниқса, эр-хотинлар аразлашса, ҳазир бўлинг ва уларнинг яраштириш тадоригини кўринг. Эй инсонлар! Бузғунчилигингиз учун мазлумлар қарғиши ва Аллоҳнинг лаънатига учрашдан қўрқинг!