ҮЙ-БҮЛӨ БУЗУУЧУЛАР ЖЕ ҮЙ БУЗУУЧУЛАР ЖӨНҮНДӨ

Үй-бүлө ыйык. Ал таза сакталышы керек. Үй-бүлөнүн сырлары үй-бүлөдө калышы шарт. Күйөө менен аял – бир тоголоктун эки жарымы. Чыккынчылыксыз жашап жаткан эрди-катындын ортосун бузуудан сак болуңуз. Адамдын жүрөгү өзгөрмөлүү, акылы алдангыч. Кээде абысын дегендер да абысынына чуңкур казат: кайнагасына абысынын жаман көрсөтүшү, инсаптан тышкары жолдорго багыттап, үй-бүлөнүн ажырашуусуна себеп болушу мүмкүн. Буга турмушта мисалдар көп. Эй, адамдар! Алладан корккула. Ушак жана жалаа кылбагыла. Ушакчынын өлөр алдында тили чирийт. Ичеги-карыны чирип, оозунан сасык жыт чыгат. Үй-бүлө бузуучу жалаачыларга тозокто мындан да оор жазалар бар. Эй, адамдар! Башкалардын ортосун бузуудан сактангыла. Адамдардын ортосунда достук орноткула, айрыкча, эрди-катын таарынышса, сак болгула жана аларды элдештирүүнүн камын көргүлө. Эй, адамдар! Бузукулугуңар үчүн эзилгендердин каргышына жана Алланын наалатына кабылуудан корккула!