Иймон
Роббим, раҳмат кўзгаз, кечир, Худойим,
Роббим, раҳмат кўзгаз, кечир, Худойим,Ҳеч қайси пучмоққа сиғмаяпманми?..Чоҳга йиқилдимми, қаерда жойим?..Ситам тортяпманми, йиғлаяпманми?..Нечун ортиб кетди бу қадар қайғу?Нечун кўтармоққа етмаяпти куч?Ё магар ичдимми сув эмас, оғу?Қайси сўқмоқларга келиб қолдим дуч?Йўқ, асло норизо эмасман Сендан,Сен берган қадарга розиман, рози.Аммо заифлигим сабабли жангдаЕнгилган жангчидек чиқмас овозим.Роббим, мени қутқар бу қаро чоҳдан,Кўксим яросига қўй Ўзинг малҳам.Қутқар мени қайғу деган гуноҳдан,Ғам чекмакка Сендан уяляпман ҳам.Лекин қувватим кам, йиқилдим, нетай,Гўё қамраб олди жунун ногаҳон.Раҳмат кўзгаз, йўқса, қайларга кетай?!Сенинг ёмонингман, бўлсам гар ёмон!Аҳдини синдирган нотавону кўр,Нокасу касларнинг бўлдим гадойи.Банда дўст деганнинг пешонаси шўр,Энди Сен дўстлигинг, кўрсат, Худойим!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.