Иймон
Бошимга не мусибат тушса,
Бошимга не мусибат тушса,Ўлдир мени демадим, Худо.Сен ҳақингда яхши гумонданЎзгаси ҳеч келмади, Худо.Сенга доим ишондим фақат,Берганингга қувондим фақат,Гуноҳ қилсам шу, ёндим фақат,Жаҳаннамда ёндирма, Худо.Зикринг бўлди дилнинг жаннати,Балки ошиқ қулнинг жаннати,Сенга томон йўлнинг жаннати,Жаннатингдан чиқарма, Худо.Ўз нафсимга етмайди кучим,Шайтондан ҳам кўп эрур ўчим,Охиратга яроқсиз кўчим,Шафқатингга зордирман, Худо.Гоҳо севдим инсон зотини,Туйдим ишқнинг аччиқ тотини,Лекин яна Сенга ботиниб,Муҳаббатинг сўрайман, Худо.Севганларим солдилар алам,Чекдим узоқ мусибат-у ғам,Кўксим ичра милтиллаган шам —Ўзинг ёқдинг, ўчирма, Худо.Кимки кирган бўлса қалбимга,Ўйнаб юрган бўлса қалбимда,Ханжар урган бўлса қалбимга,Унутдим-у, қутулдим, Худо.Берган бўлсанг қандай хуш неъмат,Кимга ўнг-у, кимга туш неъмат,Барчаси хуш, барчаси қиммат,Шукур қилдим барига, Худо.Узоқ яшаб, ибодат қилсам,Сенга буткул итоат қилсам!Муҳаббатдан иморат қилсам,Сендан шуни сўрайман, Худо.Заррача ҳам гуноҳ истамам,Сендан бўлак додхоҳ истамам!Сендан бўлак паноҳ истамам,Истагимга етказгил, Худо!Ғафлатлардан айлагил халос,Борлиғимга ато эт ихлос!Қулим десанг айрича ва хос,Бундан бўлак не керак, Худо!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.