ORIFLARNING SIFATI

Ilm ma’lumotlarni xotirada saqlaşdir.

Hikmat foyda va ziyonni ajrata olişdir.

Ilmni jamlagan odam olim.

Hikmatni jamlagan odam hakim.

Lekin ilm va hikmatni öz örni qöllay bilgan orifdir.

Xudoni hamişa yodida tutgan va Xudoning nazarini his etgan zot orifi billohdir.

Orifi billohning asosiy işi johillaga sabrdan iboratdir.

Johillarga sabr qanday böladi?

Kimdir bilmagan narsasini gapiradi. Sukut qilasiz.

Kimdir sizga tuhmat qiladi. Sukut qilasiz.

Kimdir yolğon sözlaydi. Sukut qilasiz.

Kimdir ğiybat qiladi. Turib ketasiz.

Kimdir ovozini kötaradi. Sukut qilasiz.

Kimdir qöpollik qiladi. Sukut qilasiz.

Yerga qarab yurasiz. Hamma insonga tabassum qilib qöyasiz.

Tuyğularingizni zohir qilavermaysiz.

Şoşmay, ohista yurasiz.

Öz ahlingizdan boşqaga nasihat qilmaysiz. Ahlingiz - oilangiz, bolalaringiz, haddingiz siqqan qarindoşlaringiz, juda ham yaqin döstlaringiz, bölsa, juda işonçli şogirdlaringiz.

Eng sobit haqiqat şulki, odamlar nasihatni qabul qilmaydilar. Ularga haqni aytaman deb ovora bölmang, haqni aytib qalblarida uxlab yotgan yovuzlikni qözğab yuborasiz.

Eng katta şarti... qalbingizda Alloh, Alloh, Alloh deb turasiz.

Hayotingiz özgarmasdan qolmaydi.