Шындықтың құны

Бұл дүниенің өтірікке толып-тасығанын білесің бе? Себебі өтірік тәтті. Шындық – ащы. Өтірік – нәпсінің талабы, шындық – Хақтың талабы.

Пенде дүниеге Хақты сүю үшін келді. Ал Хаққа шындықпен барылады. Бірақ сүйгеніңе жету әрқашан қиын болғаны сияқты, шындық жолымен жүру машақатты. Шындықтың құны қымбат.

Бұл жолда қандай құн бар? Ұл хақ жолдағы әкеге қарсы шығып, інісін өлтіруі мүмкін. Олай болмаса, Қабыл Һабылды өлтірер ме еді? Әйелің мен балаң бүлік жолына түсіп, қаза табуы мүмкін, олай болмаса, Нұх алейһиссәләмның әйелі мен ұлы қаза табар ма еді?

Жиіркенішті қауымын жақсы көрген әйел күйеуінің хақ екенін біле тұра, жиіркеніштілікті сүйе беруі мүмкін, әйтпесе, Лұт алейһиссәләмның әйелі лас іске батқан тайпасының жойылғаны үшін аһ ұрар ма еді?

Жай ғана дұрыс жолда болғаның үшін сені арамен тіліп тастауы да ықтимал, Зәкәрия алейһиссәләмды есіңе алшы. Өз қауымыңа қаншалықты жақсылық тілесең де, олардың саған жамандық жасаудан тоқтамауы әбден қарапайым нәрсе. Мұса алейһиссәләмға жасалған зұлымдықтарды есіңе ал.

Сенің қаншалықты шыншыл әрі адал екеніңді біле тұра, көкең ең үлкен дұшпанға айналуы мүмкін! Әбу Ләһәб кім еді, ақыры?

Бірақ шындықтың ғажайып қасиеттері бар: пұтқа табынушының ғана емес, пұт жасаушының ұлынан пайғамбар шыққан, Ибраһим алейһиссәләмға қара!

Тіпті ұлың басын жүзге тосады, Исмаил алейһиссәләм сияқты!

Залымдардың жазасын бесікте өзенмен ағып, кейін тұтығып сөйлейтін болған бір нәресте ер жеткен соң бере алады – Мұса алейһиссәләмның қиссасы есіңде ме?

Шындықтан тайынбасаң, әйелің саған жанын пида етіп, қауымның ең күштілері де саған дос болады. Хадиша, Омар, Хамза, Халид ибн Уәлид радиаллаһу анһумның өміріне назар сал!

Шындықты таптың ба, жомарт бол, махаббатты бол және жүрегіңді жалғыз Хаққа тапсыр. Хақтан басқаға жүректі байлама. Хақ үшін сүй, Хақ үшін жек көр, Хақ үшін өмір сүр. Хақта жүргендер үшін жаныңды қина, шындықтан кім шықса, одан мәңгі теріс айнал, сен маған, зәредей де азап шекпейсің.

Акром МАЛИК