Перзент өсірудің хикметі

Перзент ата-ана алдындағы қарызын өтей алмайды. Ата-ана да перзентті қарыздар етіп, кейін бұл қарызды өтеуі үшін бақпауы керек. Ата-ана болудың бірнеше илаһи хикметі бар. 1-хикмет. Жер бетінде өмір жалғассын. 2-хикмет. Мейір-махаббат пен рақым-шапағат өлмесін. 3-хикмет. Құдайға мойынсұну мен махаббат мәңгі болсын. Ата-ана Құдайды танитын әрі ғибадатты балаларды тәрбиелеу арқылы құлдықты өтейді. Баланың ата-ананы тегін асыраушы, жегізіп-ішкізуші деп қабылдауы қандай қате болса, ата-ананың да баланы қарыздар, қызметші, құл деп білуі сондай қате. Әрбір иманды отбасы мүмін әрі мұсылман бала өсірсе, жетер, мақсат орындалды — бәрі өз орнында. Бірақ мәселе мен мақсат бұдан тарылса, мүсібат пен бақытсыздық көбейеді. Бала құл да, пұт та, сәнем де емес, оған қожайындық жасалатын немесе табыну дәрежесінде жақсы көрілетін! Бала – ұрпақ жалғастырушы, өлсек, шырағымызды жағушы, яғни дінді, ахлақты, жақсылықтарды жалғастырушы.