РИСАЛАИ МАРҒУБА

Анамның аталары молда Әлім рахматуллаһи әлейһи нақшбандия сулугі мүршидтерінің бірі еді. Бұрынғы Кеңес отаршылдығы дәуірінде халықты дінге, ахлаққа баулыды. Хақ жолда болғаны үшін 20 жылдай түрме мен жер аудару сияқты кеңестердің зұлымдығын көрді. Ана жағынан үлкен атамыз болған бұл кісі алғашқы дереккөздер негізінде шәкірттеріне, перзенттеріне ілім берген. Атап айтқанда, молда Абдулқадир Ташкенди есімді ғалым кісінің «Рисалаи марғуба» атты кітабы оқу бағдарламасы болып қызмет еткен. Анамның анасы, яғни әжеміз бұдан бір жыл бұрын осы кітапты берген еді. Кітап Ғуламия баспаханасында 1913 жылы басылған 4-басылым екен. Соңғы беттерде кітап оқырмандарынан ақыл көзімен қателерді түзетулері өтінілген. Әжеміз берген дана соншалық көп оқылғаннан тозып кеткен еді. Белгілі болды, оны әжемізге марқұм апасы қалдырған екен, ал оған үлкен атамыз сыйға тартқан. Мен кітапты үлкен қызығушылықпен қолға алдым.