Интернетте әке ұлымен дос болсын деген пікір естідім. Мүлдем қате пікір.

Интернетте әке ұлымен дос болсын деген пікір естідім. Мүлдем қате пікір. 1. Әкеден жақын дос адам үшін жоқ. Оны көрсетуге және білдіруге әке міндетті емес. 2. Әкенің мақамы ұлы, оның өз белінен болған балаға достығын білдіруге қажеттілігі жоқ. Әкенің баласына саған доспын, сені жақсы көремін деп айтуының зияндары: 1. Әкенің айбыны кетеді. 2. Бала әкені күшті әрі сырлы емес, қарапайым әрі әлсіз деп біліп, сүйене алмай қалады. 3. Бала бәрібір басқалармен достасып кетеді, өйткені достық теңдікті талап етеді. Әке мен бала тең болмайды. Әке өз атына сай ӘКЕ болып қалуы керек. Ол үшін ол істейтін істер: 1. Бақылау. Бала әрқашан бақылауды сезінсін. Өзбетімен жүретін, өзімбілемдік болмасын. 2. Әке ашуда шектен аспасын. Бала қате жасаса, екі рет кешірілуі және үшінші рет міндетті түрде жазалануы ШАРТ. Ол үшін бала алдын ала ескертілуі, кейін ісінің айып екені түсіндірілуі керек. 3. Насихат. Балаға ұнаса да, ұнамаса да, оған тұрақты түрде белгілі бір аралықтарда насихат айтып тұру шарт. Тек насихат міңгірлеуге айналмасын. Өмірлік, жанды, қызықты. 4. Балаға 6 жастан 10 жасқа дейін білім бер. Бұл – жазу, оқу, есеп, Құдайды тану ілімі. Бұл кезеңде бала үшін ойын сағаты болуы керек. Күн сайын 1–2 сағат. Белгілі күндерде көбірек. 5. 10 жастан өнер үйрету керек. Қолөнершілік, жөндеу және сол сияқтылар. 6. 16 жастан бастап кейбір мәселелерде пікірін сұрау, қате болса, түзету, дұрыстарын қабылдау керек. 7. Балаға 6–7 жасынан бастап сенімді ұстаз табу керек. Ол оқуы ұзаққа созылатын білім беруі, үдерісте тәрбиеге үлес қосуы керек. Ұстаз адал, пәкиза, сынақтардан өткен, отбасылы, отбасында проблемасы жоқ, тегі жақсы адам болуы ШАРТ. 8. 17 жастан ұлды маһалланың ас-жиындарына бірге алып шығу, маңызды істерді сеніп тапсыру керек. 9. Баланың сезімдері мен көңіл күйіне шектен тыс назар аударылмайды. 10. Баланың киімдері тозғанша кигізіледі, тамақ лайықты беріледі және қалдырмай жегізіледі – 3 жастан. 11. Бала шектен тыс еркелетілмейді, жақсы істері аздап, мөлшерімен мақталып қойылады. 12. Баланың 24/7 уақыты қатаң бақыланып, әке оның қайда не істеп жүргенін білуі ШАРТ. 13. Бала ешқашан пайдасыз әрі зиянды іспен қалдырылмасын. 14. Баланы ұрыспаңыз, қорламаңыз, қатесі үшін жерге ұрмаңыз және босаңсып та кетпеңіз. 15. Спортпен тұрақты шұғылдансын.

Сонымен, бала ер жеткенде жақсы бір пішін алуына үміт бар және ол әкесінің істеріне ризашылық білдіреді және әкеге махаббатпен қалады. Балаға бір қарыс кезінен достығымды білдіремін демеңіз, әке істейтін істерді істеңіз, уәссәлам.