Интернетте ата уулу менен дос болсун деген пикирди уктум. Таптакыр ката пикир.

Интернетте ата уулу менен дос болсун деген пикирди уктум. Таптакыр ката пикир. 1. Адам үчүн атадан жакын дос жок. Муну ачык айтууга жана билдирүүгө ата милдеттүү эмес. 2. Атанын макамы улуу, ал өз пуштунан болгон наристеге достугун билдирүүгө муктаж эмес. Атанын баласына сага досмун, сени жакшы көрөм деп айтуусунун зыяндары: 1. Атанын айбаты кетет. 2. Бала атаны күчтүү жана сырдуу эмес, жөнөкөй жана алсыз деп билип, таяна албай калат. 3. Бала баары бир башкалар менен достошуп кетет, анткени достук теңдикти талап кылат. Ата менен бала тең болбойт. Ата өз атына ылайык АТА бойдон калышы керек. Ал үчүн ал кыла турган иштер: 1. Көзөмөл. Бала дайыма көзөмөлдү сезип турсун. Өз билгенин кылган, өзүмчүл болбосун. 2. Ата ачууда чектен ашпасын. Бала ката кылса, эки жолу кечирилиши жана үчүнчү жолу сөзсүз жазаланышы ШАРТ. Ал үчүн бала алдын ала эскертилиши, андан кийин иши айып экени түшүндүрүлүшү керек. 3. Насаат. Балага жакса да, жакпаса да, ага туруктуу түрдө белгилүү аралыктарда насаат кылып туруу шарт. Бирок насаат кыңкылдоого айланбасын. Турмуштук, жандуу, кызыктуу. 4. Балага 6 жаштан 10 жашка чейин илим бер. Бул – жазуу, окуу, эсеп, Кудайды таануу илими. Бул мезгилде бала үчүн оюн сааты болушу керек. Күн сайын 1–2 саат. Белгилүү күндөрү көбүрөөк. 5. 10 жаштан кесип үйрөтүү керек. Өтүкчүлүк, оңдоо-түзөө жана ушул сыяктуулар. 6. 16 жаштан баштап айрым маселелерде пикирин суроо, ката болсо оңдоо, туураларын кабыл алуу керек. 7. Балага 6 – 7 жашынан баштап ишенимдүү устаз табуу керек. Ал окуусу узакка созула турган илим бериши, ушул жүрүштө тарбияга салым кошушу керек. Устаз адал, таза, сыноолордон өткөн, үй-бүлөлүү, үй-бүлөсүндө көйгөйү жок, теги жакшы адам болушу ШАРТ. 8. 17 жаштан уулду маалланын аш-тойлоруна бирге алып чыгуу, маанилүү иштерди ишенип тапшыруу керек. 9. Баланын туюм-сезимдерине ашыкча көңүл бурулбайт. 10. Баланын кийимдери эскиргенче кийгизилет, тамак татыктуу берилет жана калтырбай жедирилет – 3 жаштан. 11. Бала ашыкча эркелетилбейт, жакшы иштери аз-аздан, ченеминде мактап коюлат. 12. Баланын 24/7 убактысы катуу көзөмөлдөнүп, ата анын кайда эмне кылып жүргөнүн билиши ШАРТ. 13. Бала эч качан пайдасыз жана зыяндуу иш менен калтырылбасын. 14. Баланы урушпаңыз, кордобоңуз, катасы үчүн жерге урбаңыз, бирок бошоңдук да кылбаңыз. 15. Спорт менен туруктуу машыксын.

Ошентип, бала чоңойгондо жакшы бир калыпка келишине үмүт бар, ал атасынын иштерине ыраазы болот жана атасына сүйүү менен калат. Балага бир карыш кезинен достугумду билдирем дебеңиз, ата кыла турган иштерди кылыңыз, вассалам.