Ілім иесі жалған болмайды, Құдайдың ілімі лайық емес жандарға берілмейді.

Ілім иесі жалған болмайды, Құдайдың ілімі лайық емес жандарға берілмейді. Хақтың сөзі мен Пайғамбардың сөзіне сай хикметтер кір әрі арам жүректен шықпайды. Пәруардигердің үкіміне, Пайғамбардың жолына сай сөздер тәубелі жүректерден, сынған нәпсілерден және бейшара халдегі құлдардан келеді. Ол сөздер азғын мағыналармен қараймаған, ғайбат пен жаламен зәхтенбеген, бүлік пен пасықтықпен сасымаған. Сол себепті кімнің сөздерінде тазалықты, сөйлемдерінде жүрегіңе шипа мағыналардың жарқылын тапсаң, сол адам туралы жаман ойлар мен жалаларға назар аударма. Жүрек — бір бұлақ. Одан Хақтың хикметі су болып ағады. Сол жүрек иесінде күнә мен қателік пайда болса, бұл бұлақтың көздері бітеледі. Құдайдың жолынан тайғанның тілі де тайғанады: ол сәнді сөйлемдермен раббани хикметтерге қарсы сөйлеп жатқанынан өзі бейхабар қалады. Сөздері қаншалықты әшекейлі болмасын, мазмұнынан зәх иісі аңқиды. Екіжүзділерге хидаятты сөздер айту нығметі берілмейді.