Жаштарды таза жана ак болот деп билчүмүн. Кийин белгилүү болду: жаштардын арасында да куу, эки жүздүүлөр көп…

Жаштарды таза жана ак болот деп билчүмүн. Кийин белгилүү болду: жаштардын арасында да куу, эки жүздүүлөр көп экен. Сага жакшы мамиле кылып, ата-энесине адепсиздик кылгандары бар экен. Булар — чыккынчылар. Сени ишин гана бүтүрүп бере турган курал катары карагандары көп экен. Булар — пастар. Сага өзүн байкуш көрсөтүп, артыңдан жаман сөздөрдү тараткандары да арбын экен. Алар — кор. Адам жашоосунун таманын — пайдубалын жигиттикте коёт. Жигиттигиңди пастык, эки жүздүүлүк, чыдамсыздык, чыккынчылык, акмакчылык, дүйнөкорлук, мунафыктык, шаһватпараздык, текеберлик менен өткөрсөң, сени келечекте ушул жийиркеничтүү нерселердин түшүмү күтүп турат. Кааласаң да, каалабасаң да, жейсиң. Жаштыкты туруктуулук, адалдык, тазалык, берилгендик, эмгек, бекемдик, сүйүү, умтулуу, чынчылдык, сабыр, ибадат менен кооздосоң, сени келечекте урмат жана шараф күтүп турат. Жигиттин жасап жаткан иши — анын тегинин жана урпагынын күзгүсү. Ал тегиндеги бардык иллет жана артыкчылыкты ачыкка чыгарып жашайт. Башкача болушу мүмкүн эмес. Албетте, тообо жана тавфик эшиги ачык, ага да тегинде жана урпагында жакшылык бар адамдар ийгиликке жетишет.