Сыр — эң улуу күч, эң бекем кудурет. Эркек сырын берсе, жумурткадан чыккан балапандай коргоосуз жана алсыз…

Сыр — эң улуу күч, эң бекем кудурет. Эркек сырын берсе, жумурткадан чыккан балапандай коргоосуз жана алсыз абалга түшөт. Бардык кыйроолор жана жеңилүүлөр сырды колдон чыгаруунун натыйжасында болгон. Эркектин сыры эмне? Биринчи сыр — бул кубат, күч жана мүмкүнчүлүк. Кубатыңдын чеги жөнүндө эч качан билдирбе. Күчүңдү жашыр. Эч ким чамалай албасын. Экинчи сыр — бул каражат. Чөнтөгүңдө канча бар, айына канча киреше кылып жатасың; канча чыгым жана зыян көрүп жатасың — ачыкка чыгарба. Эч ким байлыгыңдын өлчөмүн билбесин. Үчүнчү сыр — бул аял. Аялың ким, сапаты кандай, алар нечөө — айтпа. Урушасыңбы, келише албайсыңбы, көңүлүң калабы — айтпа. Аялды досуңдан да, душманыңдан да сыр тут. Демек, зор — жашыруун. Зар — жашыруун. Зан — жашыруун. Төртүнчү сыр — пландар. Эмнени ойлодуң, эмнени көздөп жатасың, эмнени күтүп жатасың — жашыр. Эч кимге эсеп бербе. Бешинчи сыр — сапар. Кайда, эмне үчүн, канча убакытка кетип жатасың, ким менен жолугасың — айтпа. Алтынчы сыр — достор. Ким менен, качантан бери доссуң, ал сага кандай жакшылык кылган — айтпа! Доссуз калгың келсе, ааламга дастан кыл, тез эле ажырайсың. Жетинчи сыр — душмандар. Ким менен, эмне үчүн жана качантан бери кастык кыласың — айтпа. Душмандарың тил бириктирбесин десең, эртең душмандарым кубат таппасын десең, унчукпа. Сегизинчи сыр — ибадат жана садага. Нафил намаз менен орозолоруңду, садага менен кайрымдуулуктарыңды сакта, эч кимге ачыкка чыгарба. Тогузунчу сыр — устат. Кимден кандай сабак алып жатканыңды жашыруун тут. Бул сырларды ата-эне жана устат гана билүүгө акылуу, болгону ушул. Башка эч кимге оозуңду ачпа. Бул сапатты калыптандыр. Өзүңдү мажбурла. Ишен, сен улуу адам болуп жетилесиң. Акмактар гана сыр сакташпайт. Эч качан акмак болбо. Сырыңды адегенде өзүң жашыр. Бирөөгө ишенип айттың, ал ачыкка чыгардыбы — кайра аны дасторконуңа жакындатпа. Кандай болгон күндө да ал — чыккынчы, ал эми чыккынчы эч качан адам катарына саналбайт. Ал жок, ал жөн гана бир жандык, болгону ушул.

Акром МАЛИК