Севги
ОШИҚЛАРГА
Севдингми, ёнишга рози бўл-да, сев,Ўзингдан тонишга рози бўл-да, сев.Жанозангни ўқиб, аввал ўл-да, сев,Йўқса, алангада тура олмайсан,Бу йўлда ит каби ҳура олмайсан.Тобутга жисмингни солиб юбор, сев,Ўзингга ном қўйиб: ҳақир, ғубор, сев,Бошингга ҳадя қил: кунда ва дор, сев,Йўқса, куйдирганда куйиндинг чиқар,Лабингдан оҳ деган ювиндинг чиқар.Ёр ётга илтифот қилгай мудом, сев,Сенинг бағрингни-чи, тиғсиз тилгай, сев,Яна ҳолинг кўриб шодон кулгай, сев,Йўқса, бундан бошқа ишқ ҳам йўқ-да, дўст,Ишқ дилга санчилган оғу ўқ-да, дўст.Ёр сени севдим деб, вафо қилмас, сев,Вафо қилсанг, ғайри жафо қилмас, сев,Сенга адашиб ҳам қиё боқмас, сев,Йўқса, бундан бошқа йўл берилмаган,Бундай азобларсиз йўл юрилмаган.Ёр сени қатл этар, мақтул бўл-да, сев,Ёр сенга зулм этар, мақбул бил-да, сев,Ёр сенга ҳукм этар, бир қул бўл-да, сев,Бу қуллик шоҳликдан афзал бўлгайдир,Бу қатл ила ишқ мукаммал бўлгайдир!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.