Иймон
Бу оламнинг ишини ўнгламоқ мумкин эмас,
Бу оламнинг ишини ўнгламоқ мумкин эмас,Ҳеч одамнинг ишини ўнгламоқ мумкин эмас.Бир ёғини бутласанг, бошқа тараф дарз кетар,Сирларнинг синоатин англамоқ мумкин эмас.Яъни банда ҳеч ишнинг соҳиб-у шоҳи эмас,Банда бошқа банданинг пуштипаноҳи эмас.Ўз ишини баъзида кўра олмагай инсон,Шундай экан, одамзод дилнинг гувоҳи эмас.Золимлар зулм узрадир, мазлумларда чора йўқ,Зулм қиличи чопса, маҳкумларда чора йўқ.Оҳ-у ноланг қалбингга ягона дўст-у ёрдир,Ўзингга сирдош бўлур сен каби овора йўқ.Бир тараф томошабин, бир тараф бефарқ-у жим,Бир тараф маломатгўй – айбинг айтгай бетиним.Кимгадир озордирсан, кимгадир хор-зордирсан,Таъна-дашном қушлари танангдан излар қўним.Сенга тиғ санчганга ҳам тиғ санчгинг келмас ҳатто,Сирдошман деганга ҳам дил очгинг келмас ҳатто.Дунёнинг ҳолин кўриб, меҳрнинг уволин кўриб,Борингни ичга ютиб, ҳеч тошгинг келмас ҳатто.Тиригингга отилган тошларга қараб маҳзун,Ўлигингни елкалаб кетиш истайсан бир кун.То жанозангга келиб тобутинг оғириданОдамларнинг елкаси оғриб қолмасин учун.Юзингга кулиб туриб, ортингдан ғийбат сочар,Бошингга синов келса, ортга қарамай қочар.На дўстлик, на ёвликнинг уддасидан чиқолмайСоянгга қараб юриб, кафанингни ҳам бичар.Кошки, сен бўлмасанг-у, келса боғ-у баҳорлар,Туннинг зулмати кетиб, кулса тонг-у наҳорлар.Тикан гулга эврилиб, заҳар асалга дўнса,Нишлар нўшга айланиб, нурга тўлса саҳарлар!Пажмурда тананг, афсус, бу оламга сиғмагай,Офатлар чодирини бошингдан ҳеч йиғмагай.Тошлар ёғар, дўл ёғар, кўзингдан кўзёш ёғар,Лек янглишиб бир марта покиза ишқ ёғмагай.Дунёнинг хароблиги кўзимга равшан бўлди,Ғам-у қайғу гулидан ҳаётим гулшан бўлди.Инсон тилин инсонлар англамаслигин билиб,Тил лол-у, ақл ҳайрон, хотир паришон бўлди.Ҳеч дилни вайрон қилмай яшамоқ мақсадимдир,Андуҳ-у андишалар музтариб маснадимдир.Ғафлат-у жаҳолатнинг сувратин қаршисидаЎз ҳолимга кўз солиб, ҳар ишим ҳасратимдир.Дунёни обод қилмоқ имконсиз иш экан – ҳақ,Муҳаббатнинг гулзори – бир ширин туш экан – ҳақ.Охиратнинг ҳовлисин фаровон этолсам, бас,Руҳ – танага қамалган ғамзада қуш экан, ҳақ!Сенга юзландим, Худо, сенсиз ёлғизман, бахтсиз,Сен ёрдам бермасанг гар, ваъдасизман ва аҳдсиз.Зикрингни ризқим айла, тоатингга қувват бер,Сенга мақтовлар бўлсин, ҳамд-у сано ададсиз!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.