Biz ham ulğaymoqdamiz, şekilli. Asta-sekin jism ham, ruh ham ba’zan sokinlik bağrida orom olişni istamoqda.…

Biz ham ulğaymoqdamiz, şekilli. Asta-sekin jism ham, ruh ham ba’zan sokinlik bağrida orom olişni istamoqda. Ğavğo va da’volarsiz suhbatlar xohlamoqda. Aks holda, közga köringan va körinmagan; bilingan va bilinmagan yuklar bu zaif jismga, ğarib ruhga oğirlik qilmoqda. Boşqalarga rahnamo bölişni istagan aql öz nafsini yölga soliş maşaqqatini totadi. Şu onlarda tabiat içra safar foyda berarkan. Bu aql bilan emas, öz-özidan röy beradigan ehtiyoj ekan. Avvallari ham toğga çiqqanmiz, lekin yölboşçi ila safar maşaqqati oson keçarkan. Tanişimiz va ukamiz Usmonjon taşkil qilgan @hamrohtrip safarimizda bizga yölçi böldi. Çukurak, Baltav (Boltoğ) şarşarasi; Obi Rahmat va Baltav ğoriga bordik. Kun böyi piyoda yurdik. Quyoş va şamol, bulutlar soyasi va toğlarning qoyasi hamroh böldi. Darvoqe, Baltav, menimça, asl nom. Örislar Paltau deb özlariga moslab olişgan. Örisning talaffuzidan keçib, Baltav desak, yaxşidir, vallohu a’lam.

Akrom MALIK