Адамдарды өз жолыңызбен жүргізуге тырыспаңыз, тіпті ол сүйген адамыңыз болса да!

Адамдарды өз жолыңызбен жүргізуге тырыспаңыз, тіпті ол сүйген адамыңыз болса да! Пайғамбарымыз саллаллаһу алейһи уә сәлләм өзінің сүйікті ағасы Әбу Талибті һидаятқа келтіре алмады, бұл ақиқат бәріне аян болып қалсын деп!

Ешкімді ешбір іске мәжбүрлеме. Тозаққа бара жатқан болса да, өзі қаламаса, сен оны тоқтата алмайсың. Барма, бұл – тозақ жолы десеңіз де, парық қылмаса, етегінен мықтап ұстап тартыңыз, бірақ қайырымсыздар етегін кесіп, кете береді. Сондықтан біліп қой, ешкімнің амалы үшін, таңдауы үшін сенен сұралмайды, қайта айттың ба, білдірдің бе деп сұралады. Иә, айттым, ескерттім дейсің, болды. Қорытынды мынау: көңіл иесі болмағандарды тастап кет те, ұмыт! Ол кім болса да, маңызсыз. Әйелі ме, баласы ма, досы ма, айырмасы жоқ. Құдай пана болсын. Сен өз жаныңды құтқар. Сопы Аллаяр бабамыз айтқандай:

Ағайын көңілі ағармаса егер, Қолыңнан келсе, барып отырма еш.

Яғни тіпті туысың да пәк көңілді және ақ ниетті болмаса, насихаттар әсер етпесе, надандық пен жамандықтан қайтпаса, шамаң келсе, оның үйіне, қасына барып отырма, одан бас тарта сал. Бірақ һидаят сұрап дұға етіп жүр.