Әй, жүрегі гүлдей нәзік Әйел!

Әй, жүрегі гүлдей нәзік Әйел! Әй, ақылы сезімдер боранында шыр айналатын Әлсіз жан! Әй, шешімдері үнемі өзгеріп, екіұдайлық ішінде қалатын Нәзік жан!

Сені биіктететін, ұлы мақам беретін Міндетің туралы ескерту бергім келеді.

Әй, Әйел! Әй, Ана! Әй, ардақты Жан!

Аяғының астына жұмақ төселген нұрлы Бейне!

Сен алтынға қызығасың, байлыққа, сұлулыққа жүрегің ұмтылады.

Кейде қалауларың қайдан басталып, қайда аяқталатынын білмей қаласың.

Біреуге сүйену және біреуге сену үмітімен өмір сүресің, сондықтан да Әйелсің!

Бірақ сен! Сенгін, Сенің ұлы Міндетің – адал жұп болу. Күйеуіңнің ризашылығымен жұмақ есігінің кілті қолыңа беріледі.

Содан соң – Аналық мақамы!

Ұлдар мен қыздарды өсір.

Оларды сүй, мәпеле. Олар үшін өзіңді құрбан ет, олардың жақсы адам, салиқалы адам, адал әрі инабатты адам болуы үшін тырыс.

Бұл – бір шайқас алаңы.

Ғайбаттарға құлақ аспа. Біреу сені менсінбесе, мән берме. Біреу өсек таратса, көз салма.

Сен БОЛАШАҚТЫ ҚҰР!

Сен арыстандарды тәрбиеле. Ибалы қыздарды өсір.

Бар назарыңмен шынайы АНА болу үшін ұмтыл. Балаң алдында дүниенің барлық қалауларына от қой. Менің нәпсім, менің қалауларым ше деме. Құрбыларым осылай жүр екен, мен ше деме.

Ұрпақтарың – міне, олар Сенің Ұлылығыңның тамыры.

Елестетіп көр: сен тәрбиелеген ұлдар ел ісіне жарайтын, халықтың жүгін көтеретін, ер әрі дана болып жетілді.

Келіндер түсірдің. Қыздар ұзаттың. Немерелер көрдің. Қаншама құрмет пен сүйіспеншілік ішінде болатыныңды ойла.

Уақытша әуестіктер, нәпсінің соңынан жүгірген қыздар бүгін бұл мүмкіндікті жоғалтып жатыр.

Мансап жасаймын, білім аламын деп өзін алдап жүрген әлсіздер өз мүмкіндіктеріне, өздерінің тәңірлік және фитри бақыттарына от қойып жатыр.

Бүгінгі қол шапалақтар, атақтар, алқыстар, қаржылық тәуелсіздіктер – ешқайсысы саған мәңгі бақыт бермейді, ғұмырыңның қаймағын сен мәңгілік жолға тікпесең, жолдың соңы өте ащы әрі ауыр өтеді.

Әй, әйел!

Әй, пәк жан!

Әйел қоғамда белсенді болсын, тағы бірдеңелер істесін деп жүгіріп жүргендерге алданба.

Ұлы Ана болу мүмкіндігінен айырылма. Аяғыңа жұмақ пайандаз болып төселіп тұрғанда, батпақтардан жүрме.

Бұл ойларды жаттап ал. Ұғып ал. Ішіңе сіңір және өзіңді адал жұп, халал жар және Ана болу үшін жұмылдыр!

Ғұмырыңды, еңбегіңді, денсаулығыңды осы жолға жұмсайсың және алған өнімің үшін әсте өкінбейсің, керісінше, бақыт пен ризашылық ішінде боласың! Бірақ басқа соқпақтар мен жын көшелерден кеткендердің, қызыл ту мен ақ ту болып жүрген сорлылардың ақыры не болары жалғыз Құдайға аян!

Сен таңдаған жолда нәтиже кепілді, ал кері бағытқа қаңғығандардың не болары – қараңғылық пен түнекте. Оларды қара бір құрдым, суық түндер, айдаһардай қорғансыздық және аянышты аһ-налалар күтіп тұрған болуы ықтимал, Құдай сақтасын!..