Кетсең, ризалық алып кет. Кімнен қарыздар болсаң, міндетті түрде оны риза қыл. Қарыздарлық деп көбіне рухани…

Кетсең, ризалық алып кет. Кімнен қарыздар болсаң, міндетті түрде оны риза қыл. Қарыздарлық деп көбіне рухани қарыз меңзеліп отыр.

Саған білім берген, өнер үйреткен, ауыр күніңде бауырына басқан, жақсылық жасаған, қандай түрде және қанша мөлшерде болмасын, саған көмек қолын созған адам сенен артық.

Заңдылық осы.

Сен оған қарыздарсың.

Сондай қарыздар бар, ғаламды сатып, ақшасын берсең де, өтелмейді. Өйткені оның ақысы көңілдің ішінде. Жүректе.

«Менен риза болыңыз, берген нан-тұзыңызға риза болыңыз. Біліміңіз үшін, мейір-махаббатыңыз үшін риза болыңыз. Біз лайық бола алмадық, алдыңыздағы қарызымды ешқашан өтей алмаймын», – деп қой. Осылай айтуды біл. Бұл сөздердің ақиқат екенін шын жүректен ұғын да, содан соң тіліңе шығар.

Балам, көңіл – Тәңірдің назар салар жері. Ақысы саған өткен адамды риза етпей тұрып, ісің оңға баспайды. Саған ақысы өткен адамның жүрегінде азғантай болса да реніш бар болса, сол реніш сені ешқашан жібермейді.

Балам, біреуге иіліп, қолын сүйдің бе, біреуден қарыздарлық сезіндің бе, ақ батасын ал, дұғасын ал және әрқашан қолдап жүр.

Бұл сен үшін өте үлкен бақ пен болашақ есіктерін ашады, иншаАллаһ. Күмәнсіз.