КОРУТУНДУ

КОРУТУНДУ

Ушул «Классикалык үй-бүлө» аттуу жазманын аягына бизди жеткирген Теңирибизге мактоолор жана сана болсун!

Чын жүрөктөн самоом мындай: ар бир сөзүмдү элим окуп, аңдап, түшүнүшүн каалайм. Ушул сөздөр элимдин дартына дабаа болушун каалайм. Адамзат үчүн эң керектүү сөздөрдү айтууну каалайм.

2021-жылы эки повесть жазган элем. «Халка» жана «Жангчи» аттуу. Ал чыгармаларды Кудайым элиме абдан сүйүктүү кылды. Бирок көз тийди: бул көркөм чыгармаларды диний деген тамга менен басып чыгарууга тыюу салышты. Дин иштери боюнча комитет деген уюм бир жылдан ашты, басып чыгарууга уруксат бербей жатат.

Албетте, жашоо бир чыгарма менен бүтпөйт. Тирүү болсок, жазышыбыз керек. Дагы жазгандарым бар, көз тийбесин, иш аягына чыксын деп айтпай турам, алар да аягына чыгаары менен урматтуу окурмандарга тартуулайм, насип болсо.

Парвардигеримден жыл сайын бир ири көркөм китеп жазууга кубат жана илхам сурайм. Жана жыл сайын хазрети Навоинин бир чоң чыгармасын түшүндүрмө менен басып чыгарууну да самайм. Адамдан бир нерсе калышы керек, ушулар менден калса дейм.

Аздектүү окурман!

Бул кыскача китептин үстүндө бир топ эмгек кылдым. Анын алгачкы саптары 2026-жылы 27-апрелде, дүйшөмбү күнү кагазга түштү. Бүгүн, 2026-жылы 3-сентябрда – бейшембиден жумага өтөр кечте китептин акыркы саптары жазылууда.

Кымбаттуу агабыз, улуттун фидойиси, чебер сөз устаты жана нотук Абдукарим Мирзаев бул китепти да окуп, элибизге жеткирет деген үмүтүм бар. Кудай буюрса, редакциялоо жана тактоо иштеринен кийин ал кишиге жиберем.

Парвардигерим!

Бул китепти окуган инсанды бактылуу кыл. Аны сүйүп кайра-кайра окуганды эки дүйнөдө бактылуу кыл! Жазмалардын пайдасы менен үй-бүлөлөр бейпил жана молчулукта, таалайы жарык болсун жана башына береке жамгыр болуп жаасын!

Китептин каталарын жашыр жана аны элиме, бүт адамзатка кайырлуу кыл!

Китепти басып чыгарууга салым кошкон, аны адамдардын колуна жеткирүүгө кызмат кылган баарын максатына жеткир!

Китепти окуп, даарат алган абалда колун дубага ачып, авторго дуба кылган ар бирин Өзүң дос тут жана бул амалы үчүн бейишти сыйлык кылып бер!

Китепке кир ниет менен кайрылгандарга Өзүң жетишсиң!

Йа Рахим! Йа Карим!

Акром Малик, Ташкент