Кызматкерлердин майда кемчиликтери кадимки көрүнүш. Башкача айтканда, жумушка кечигиши, тапшырмаларды өз…

Кызматкерлердин майда кемчиликтери кадимки көрүнүш. Башкача айтканда, жумушка кечигиши, тапшырмаларды өз убагында аткарбашы, унутчаактыгы. Дароо аларды катуу урушууга, олуттуу сөздөр менен айыптоого шашпаңыз. Жетекчи бул кемчиликтерди оңдоого жардам берет: керек болсо, ар жолу эскертет, насаат кылат, бирок кызматкерден баш тартуу жөнүндө ойлобойт. Өзүндө айыгуу каалоосу бар бейтаптын шыпаа табышы оңой болгондой, өсүүнү каалаган кызматкер да эскертүүлөрдөн туура жыйынтык чыгарып, чеберчилигин калыптандыра берет. Жылдар жана жолдор адамды тарбиялайт. Үй-бүлөдө да ушундай: бизге баш ийгендерге мээримсиздик кылбайлы, аларды аяп, сындырбай жеткилендикке жеткирели. Улууларыбыз катаалдыкта чектен ашып жибергендей сезилсе, акыларына дуба кылалы, нааразычылык билдирбейли жана бизге айтылган кемчиликти жоюу жөнүндө баш катыралы. Кээде узак убакыт, атүгүл өмүр бою башка адамдардын кичине каталарына көз жумуп жашашыбыз керек болот, акыры, өз айыптарыбызга жана күнөөлөрүбүзгө чыдап, кечирип, шылтоолорду таап жашап жүрөбүз го! Калп, кыянат, саткынчылык, арам жегендик башка маселе, мындай иллеттер өз ээсин сиздин жана биздин кийлигишүүбүзсүз эле бутунан тартып саздакка алып түшөт жана ошол саздакка чөктүрүп жиберет. Биз өзүбүздүн кемчиликтерибизди оңдоо жөнүндө ойлонолу, жаныбыздагыларды түшүнүүгө жана кечирүүгө аракет кылалы, ажеп эмес, жакшы болуп кетсе!

Акром МАЛИК