ҮЧҮНЧҮ БАП

ҮЧҮНЧҮ БАП УУЛ

Экинчи бөлүм Тун уул

Тун уулдар табиятынан мээримдүү, көңүлчөң, токтоо жана камкор болушат. Алардагы бул сапаттар тубаса болот. Дээрлик бардык туңгучтар ынтымакчыл, этиятчыл, эмгекчил жана жумшак мүнөздүү. Алар күрөшчөң, ойлуу, акылман, илимге жакын, башкарууга жөндөмдүү, тартиптүү, жоопкерчиликтүү. Туңгучтар — аталардын биринчи таянычы, энелердин алгачкы сүйөнүчү. Ал акыл жагынан да, жүрөк жагынан да эртерээк чоңоёт. Үй-бүлөдөгү чоң-кичине иштер жаштайынан анын мойнуна жүктөлгөндүктөн, ал көп жүк көтөрүүгө көнөт. Ал так тун болгону үчүн башка жерлерде да көйгөйлөргө кайдыгер эмес: бир нерсени чечүү, практикалык жардам берүү, боорукерлик жана мээримдүүлүк ага мүнөздүү. Тун уулду кийинчерээк жээндери чоң ата же бай ата деп аташы да анын үй-бүлөнүн улуусу катары атадан кийинки орунда турушунан улам. Тун уул — атанын орун басары. Үй-бүлөнү бириктирүүчү. Кичүүлөргө жол көрсөтүүчү. Алысты ойлогон жана камкордук кылуучу. Тун уул инилерин кечирет, сиңдилерине канатын дайыма кең жаят. Ал инилерин машакатка салбоо үчүн машакаттарды мойнуна ала билет. Ал таасирчил. Ал үй-бүлө үчүн кайгы тартат, ал жигарларына бирдей жакшылык кылууну каалайт. Инилери жараксыз чыкса, катуу изтироп тартат. Баш ийбестиктен жүрөгү оорүйт. Тун уул берешен, эч кимди жардамсыз таштабайт. Ал кайраттуу, улуу иштерди оңой аткара алат. Ал берекелүү, кайсы ишке кол урса, береке келет. Ал атанын жана эненин эң жакшы сапаттарын өзүнө топтой алган жемиш. Туңгучтар кыйынчылыктарга биринчи болуп көкүрөк керип чыгат. Ал бардык кубанычтарды уюштуруп, башкалардын кубанычынан кубанат. Ал эринбейт. Ал токтобойт. Аны жеңүү жана багындыруу кыйын. Туңгучтар жаш кезинде бош-бечел болушса да, чоңойгондо даанышмандык жана кубат аларга берилет. Ал сабырдуу, ал тез кечирүүчү, ал жоош. Ал кеңешчи. Ал башка перзенттерге караганда көбүрөөк жөнөкөй, көбүрөөк ыйлаак жана көбүрөөк жеңүүчү. Ал көп эскертүү укса да, көп рухий кыйноолорду башынан өткөрсө да, бирок туңгуч — улуу дегени. Анын бар болушу үй-бүлөгө улуулук, үмүт жана ишеним алып келет.

Акром МАЛИК