ҮЧҮНЧҮ БАП

ҮЧҮНЧҮ БАП

Алтынчы бөлүм Жигиттерге кат

Жигиттик — адамдын эң сулуу мезгили. Жигиттиктеги кайрат, шиддет, ой жүгүртүү жана кыял кийин кайтпайт. Оору, илдет жана чарчоо эмне экенин дене билбейт. Жигиттик толугу менен шык жана ырахаттан турат. Жигиттикте шайырлык жана көңүл ачуу, оюн-күлкү жана бий, уруш жана чатак, курал-жарак — баары жарашат. Хазрети Навоийдин чыгармаларында баса белгиленгендей, жигиттин суу ичип тапкан ырахаты карыганда табылбайт. Жигиттикте суу да таттуу жана даамдуу. Жигиттик — адам өмүрүнүн пайдубалы. Жигит ошол пайдубалды туура жана бекем коюу жөнүндө ойлонушу керек. Бүгүн өлчөмдөр бузулуп, адам тамырларынан үзүлгөн бир мезгилде жигиттерге айтарыбыз бул: 1. Кыялыңызды ар кандай таза эмес кыялдардан таза кармоого аракет кылыңыз. Аны ар кандай кинофильм, клип жана ырлардын үнү менен сүрөттөрүнө толтурбаңыз. Кыялдын керексиз ойлор менен толуп калышы ойду чаташтырып, туура чечим кабыл алууга тоскоол болот. 2. Өзүңө азыраак суктан. Так жигиттин өз сулуулугуна жана келбетине ашыкча суктанышы аны кайдыгерликке түртөт. 3. Кесибиңди жана жете турган нерселериңди — максатыңды аныктап ал. Ошол максатка жетүү үчүн пландуу аракет кыл. 4. Мал-дүйнөнү биринчи орунга койбо. Эгер жүрөгүңдө жасалга менен акчага, мал менен дүйнөгө сүйүү күчөп баратканын сезсең, тез эле өзүңдү оңдо. Адамгерчилик жана марттык бардык нерседен кымбат. 5. Көптөгөн жигиттер нафсына ээрчип, адепсиз жана ахлаксыз иштер менен алек. Алар хак сөздү кабыл алышпайт. Аларда экиленүү, шек жана алсыздык бар. Алсыздык — бул туруктуулук менен бекемдиктин тескериси. Көптөгөн жигиттер күндөрүн тартипке сала алышпайт. Түнү уктабай, күндүзү уктайт. Иштеринде тартип, убактысында пайда жок. Сен андай болбо, ой жигит, куптан намазынан кийин дароо укта. Ошондо багымдаттан мурун ойгоносуң. Эч бир жолугушууну жана ишиңди куптандан кийинкиге калтырба. Мына ушул тартипти жашооңо киргизсең, бүт өмүрүңө, күчүңө жана нафсыңа ээ чыгасың. Муну жасай албасаң, мышыктын баласындай оюнчук болосуң. 6. Шаһваттын алдында алсыз калба, кумарыңды жең. Ага аң-сезимдүү күрөш. Көзүңдү, кулагыңды жана кыялдарыңды бузуктуктан сактасаң, бүт денең таза болот. Латталык кылба. Шайтанга жеңилбе. 7. Аз сүйлө жана көп иште. Эмгектен качпа, акмак болбо, эсеп-кысапка бекем кара, сынабай ишенбе; жалгыз бөрү болуудан коркпо; керексиз нерселерди алба; хак болсоң, тартынба; калп айтпа; көйгөйлөрдү зыян келтирбеген түрдө чечүүнү үйрөн жана улуулар менен кеңешүүдөн качпа! Өзүңдү дайыма четтен ой жана талдоо, акыл жана амал менен көзөмөлдө. Ошондо оңой басасың, жыгылбайсың. Бул кат жигиттик жылдарын шамалдарга сапырган жана жаштыгын көптөгөн каталар менен ысырап кылган бир байкуштун калемине таандык, мен ката кылдым — сен кылба. Сен адам баласысың, сен мусулмандын перзентисиң, өз перзентимдей кымбат жана урматтуусуң, насааттарымды жаттап ал жана аткар, Кудай буюрса, жашооң эң туура нукка түшөт жана туура жолдон чыгып кетпейсиң.

Акром МАЛИК