Кимдир бирөө кабар алып келсе, дароо ишенип кетүү жарабайт. Көңүлгө келген ар бир шекти да тез тилге чыгаруу…

Кимдир бирөө кабар алып келсе, дароо ишенип кетүү жарабайт. Көңүлгө келген ар бир шекти да тез тилге чыгаруу туура иш эмес. Маанисиз сөздөрдү сүйлөгөн адамдын руху сынат. Каалаган жана күтүлгөн кабар келсе да, токтоо керек. Балким, ал чын болбосочу? Албетте, кабардын булагын текшерүү зарыл. Чындык бетке чыгышы үчүн баяндалган окуянын майда-чүйдөсүнө чейин билүү керек. Албетте, ошол чындыкка адам абдан муктаж болсо. Анткени ааламдагы абдан көп чындыктар адамзатка керек эмес. Мисалы, достун ушагы, кошунанын кирешеси, бирөөнүн күнөөсү... сыяктууларды билүүдөн кишиге пайда жок. Кимдир бирөө ката кылганы жөнүндө билүү да зыян, анткени катачы тообо кылса, катасы кылынбагандай жабылат; ошондо аны билүүнүн бир пайдасы калабы? Бир окуяга карап, андан кийинкисин айтуунун пайдасы жок. Эгер аны айтуудан бир пайда болбосо. Эгер көңүл бир маанилүү окуяны сезсе, белгилер анын болорунан кабар берсе жана анын болушу адамдардын жашоосунда бир нерсени өзгөртсө, ошол окуяга даярдык көрүү үчүн аны болжолдоо маанисинде айтуу максатка ылайык. Адамды өлтүрсө, керексиз сөздөр өлтүрөт. «Ар уккан нерсесин айта берүү кишинин калпычы экенине далил». «Сүйлөсөң, жакшы сөз айт, болбосо унчукпа». «Унчукпаган аман». «Бир фасык кабар алып келсе, аны, албетте, текшер».