Сүйүү
Мас бол! Ышк-сүйүү шарабынан кызуу мас бол,
Өзбек тилинен которулду · Түп нуска
Мас бол! Ышк-сүйүү шарабынан кызуу мас бол,Өлүмдүн коркунучка толгон көздөрүнөн эч коркпо.Шейиттин эрининен чыккан оттуу акыркы дем бол,Кайгы дарыяларынан шаттанып өт, бактылуу өт!Эй, оттуу сүйүү! Эй, ышктын жалыны,Эй, жүрөгү тоңгон денелерге бөтөн!Эй, жети миң тамыры асмандарга аралашкан,Жети кат жер менен көккө батпаган, эй, сарсан!Эй, рухсуз денелер арасында калган кыйкырыктын руху,Эй, катуулугу көздөрдү сокур кылган Арштын Бурагы!Эй, Пайгамбар жазбасынын периштелик улуулугу,Эй, азалдан Лавхул-Махфуз үстүндө тарбия тапкан!Кайсы көз татыйт, сен жалындап көрүнсөң,Кайсы жүрөк ылайык, анда күйүп-жансаң эгер?!Шакектей ааламда балээлерге кабылтып,Кылсаң, фана чөлүнө карай сапар кыласың!Көз жум! Чыккынчылардын жүздөрүнө карабагын,Кулак салбагын жасалма ах-вахтарга эч качан!Шайтандын малайларына жакпа, түбөлүк жакпагын,Ибилистин дасторконунан түбөлүккө ар кыл!Пасыктардын тырмагында калба, Хакка карай көтөрүл,Наадандарга ачылуу – ысырап, сырлар – ысырап.Шектүү жүрөгү сокурдун ишенимден кабары жок –Ышк издеген – Симург, конушу – Каф тоосу.Мас бол! Ышк-сүйүү шарабынан кызуу мас бол,Акыл менен кектен кыял издеген акылмандардан алыс кет.Болсоң, чынчыл гана бол, ашык бол, ышкка берил,Кара, Арш чырактанында жаркырап турат чырак.Алгачкы кадамың түшкөн жер кимдир бирөөгө чоку болот,Кезген асмандарыңдан эмнеге сөз айтасың, эй?Сени издеп келгендин көзүнө боштук толот,Сен болсо жоктуктасың же сынган сурнайдасың, эй!Акром МАЛИК
Комментарийлер
Азырынча комментарий жок. Биринчи болуп пикир калтырыңыз.