Ҳикмат
Қутлуғ даргоҳга кирдинг,
Қутлуғ даргоҳга кирдинг,Қадаминг муборак бўлсин!Қадру қийматин билдинг –Ҳар даминг муборак бўлсин!***Меҳр улашмоқдан ҳорима, инсон,Унутма, меҳр-ла олам нурафшон!Жилмайиб ҳар кимга салом бер, дўстим,Меҳрнинг булоғи саломдир, ишон!***Баланд овоз ила кулма, эй йигит!Эл ичра овоза бўлма, эй йигит!Эшак ҳанграшидек хунук баланд сас,Эшак деган номни олма, эй йигит!***Энг гўзал ҳаёт бу – пок бир ҳаётдир,Поклик ақийдаси ҳайвонга ётдир.Покликни маҳкам тут, озода бўл, дўст,Ҳайвон деган лақаб сенга уётдир!***Шул ҳақиқат аён минг йилдан буён,Бундан бошқа сўз йўқ борсанг ҳар қаён –Ҳурмат қил инсоннинг зотини, эй дўст,Ҳурмат қилган ҳурмат топгай бегумон.***Шукур, нафас олиб юрибсан соғлом,Икки оёғинг бут, бошинг ҳам омон.Фақат шодлик билан яшамоқ керакҲамда қадам босмоқ зафарлар томон!***Сиринг қалбда қолсин, оламга ёйма,Бўлар-бўлмас ишга қайғурма, куйма!Инсонсан, кўп нарса йўқотмоқ мумкин,Аммо пок ниятни йўқотиб қўйма!Акром Малик
Изоҳлар
Ҳали изоҳ йўқ. Биринчи бўлиб фикр билдиринг.