Иймон
Мен ўлай. Умрнинг ҳаммасини ол.
Мен ўлай. Умрнинг ҳаммасини ол.Кўзёшлар меники. Сенга – табассум.Тупроқ олсанг, олтин бўлсин ва ҳалол,Қайғу нелигини билмагил бир зум.Гуноҳларни юкла елкамга тамом,Ҳамма савобларнинг тахтида яша.Аълоҳазрат ўзинг, эй зоти киром,Ўзингга гуллардан пояндоз тўша.Қара, киссангдадир жаннат калити,Ҳеч кимга кўрсатма, ҳаммадан яшир.Биз одамлар ичра кўчанинг ити,Суяк ташлаб қўйсанг севиниб ғажир.Азбаройи югур, улуғликка ет,Жой тегмай қолмасин қутлуғ суфрадан.Ортингга қарама, узоқроққа кет,Бизлар чиқолмайлик чуқур ўрадан.Ҳеч кимга қарама, боқмагил зинҳор,Ортга бурилмасин олдга юришинг.Йўқса, бўлиб қолгай оламга ошкорБиздек қаро қулни тубан кўришинг.Тубан бил, менсима, тепиб ўт, топта,Бизга шул бўлгайдир энг лойиқ адаб.Сен аршнинг устида учганинг топдаЯшаш бахт кўксга найзалар қадаб.Сендан гинам йўқдир – ишон бегумон,Фақат биттагина илтижойим бор:Надомат ўтида куйгин беомон,Лекин соямни ҳам тополма зинҳор!..Роббим, мазлумингга каромат айла,Ушбу дуойимни ижобат айла!Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.