Иймон
Адашдим. Адашдим. Хатолар қилдим.
Адашдим. Адашдим. Хатолар қилдим.Сўзлар сиртмоғига солдим бошимни.Оқибат, Сен сари яланғоч келдим,Қорнимга боғладим иқрор тошимни.Сўзлар санъатининг бўлдим султони,Сукут занжирида қул қил, Худойим.Шон-шуҳрат заҳрини ичмишман қониб,Энди хумулга кўм, шул экан жойим.Қайси саҳроларда дайдидим мажнун,Қайси пучмоқларда қолдирдим гуноҳ…Бугун балолардан қутулмоқ учунСўзлар қуюнидан, Роббим, бер паноҳ!Мени зулм қилган, азоблар берган,Беҳуда қийнаган ўзимдан қутқар.Руҳимга нифоқдан зиндонлар қурган,Ёлғондан иборат сўзимдан қутқар!..Нечун сўзламоққа айладим журъат!Нечун минбарлардан изладим мақом!Сенинг сўзлаганинг етар-ку, минбаъд,Сўзингга қул айла мени батамом!..Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.